Ma peya wamoko tam, kadi matidi nyo madit, myero wapenye kekenwa ni, ‘Jehovah mono binenone nining?’ Kadi bed ni pe watwero ngeyo tam pa Jehovah i kom jami ducu, en otitiwa jami ducu ma mitte i Lokke wek wabed ma wayubbe me “tiyo kit tic mo maber ducu.” (2Tem 3:16, 17; Rom 11:33, 34) Yecu otemme me niang gin ma Jehovah mito dok oweko miti pa Jehovah obedo gin ma pire tek loyo i kwone. (Jon 4:34) Calo Yecu, wan bene myero watute matek me timo gin ma yomo cwiny Jehovah.​—Jon 8:28, 29; Ep 5:15-17.

NEN VIDIO MA WIYE TYE NI WUTEM NIANG GIN MA JEHOVAH MITO (LEVI 19:18), CI GAM LAPENY MAGI:

• Pingo myero waket cik ma igi lac me Baibul i tic?

• Cik ma igi lac mene ma myero wati kwede ka watye ka yero wer?

• Cik ma igi lac mene ma myero wati kwede ka watye ka yero bongo ki kit ma wanen kwede?

• I kabedo mene mukene i kwowa ma mitte ni wati ki cik ma igi lac me Baibul?

• Watwero medo ngecwa me niang gin ma Jehovah mito ni watim nining?