Vidio twero gudo cwiny dano pien obedo gin ma gineno dok giwinyo. Man konyo dano me keto cwinygi i vidio dok wigi pe wil iye oyot. Jehovah aye oweko lanen ma pud dong ber loyo me tic ki jami ma gineno anena pi miyo pwony.—Tic 10:9-16; Yabo 1:1.

Ka wutye ka nyamo pwony me 2 ki 3 i brocuwa me Kwena Maber, iromo nyuto vidio mogo calo Lubanga Tika Tye ki Nyinge?, Anga ma Ocoyo Baibul?, ki dong Wangeyo Nining ni Lok me Baibul Tye Kakare? Vidio me Pingo Omyero Ikwan Baibul?, Ngo ma Timme ka Kitye ka Kwano Baibul?, ki dong Ngo ma Timme i Ot me Ker? gicuko cwiny dano me kwano Baibul kwedwa nyo wot i cokke. Vidiowa mogo maboco boco bene kiromo tic kwedgi me pwonyo lutino kwanwa me Baibul.—km 5/13 3.

• Kwany vidio ma imito nyuto bot rwod ot ki i Intanet

• Yub lapeny acel nyo aryo mo ma kibimiyo lagamme i vidio man

• Wunen vidione kacel

• Wunyam lok ma pigi tego ki iye

• Lok nge trakwa acel, ci inyut ki rwod ot kabedowa me Intanet nyo bok ma kimenyo me yabo vidio ma wiye tye ni Pingo Omyero Ikwan Baibul?

• Nyut vidio ma wiye tye ni Wangeyo Nining ni Lok me Baibul Tye Kakare? ci imi brocuwa me Kwena Maber, dok inyut pwony me 3