JW Library obedo purogram me kompiuta ma itwero tic kwede me kwanyo Baibul ki bukkewa, vidio, ki jami ma kimako i dwan ci igwoko i cimmi, tabulet, nyo kompiuta-ni.

KIT ME NONGONE: Cit i intanet ci ikwany JW Library ki i ka ma kigwoko iye purogram me kompiuta. Purogram me JW Library tye pi tet mapatpat. Ma pud itye i Intanet, yab purogram man ci iyer jami ma imito kwanyone wek iket i cimmi, tabulet nyo kompiutani. Ka pe itye ki Intanet i paco-ni, gwok nyo itwero nongone ki i otel mogo nyo i kabedo mogo ma iculo wek iti ki Intanet. Ka dong ityeko kwanyo jami ma imito ki i Intanet ci iketo i tet-ti, pe mitte ni ibed ki Intanet wek iyabgi. Kit ma kimedo jami manyen kare ki kare i JW Library, omyero ibed ka cito i Intanet kare ki kare wek ikwany jami manyen ka ce gitye.

PINGO MYERO IKWANY? JW Library weko kwan piri keni ki lubo yub me cokke doko yot adada. Konyo bene ka itye i tic me pwony, tutwalle ka itye ka miyo caden ma pe iyubbe iye.