TUTE MATEK I TIC ME PWONY | MEDDE KI NONGO YOMCWINY MADWONG I TIC ME PWONY
Pwony ki Mit Kom
Ka wapwonyo ki mit kom ci jo mukene gibedo ki miti me winyo lokwa. Nyuto bene ni waneno kwena ma watero botgi calo gin ma pire tek. Wan ducu watwero pwony ki mit kom labongo paro pi tekwarowa nyo kitwa. (Rom 12:11) Twere nining?
Mukwongo, tam i kom kit ma kwena meno pire tek kwede. Itye ki mot me ‘tito kwena maber pi jami mabeco!’ (Rom 10:15) Me aryo, tam i kom adwogi maber ma jo ma guwinyo lokwa gitwero nongone. Pire tek adada ni guwiny lokwa. (Rom 10:13, 14) Me agikkine, lok ki mit kom kun itiyo ki cingi dok iloko wangi me nyuto kit ma iwinyo kwede ki i cwinyi.
NEN VIDIO MA WIYE TYE NI NONG YOMCWINY I TIC ME PWONY—DONG DIRONI—PWONY KI MIT KOM, CI IGAM LAPENY MAGI:
-
Ngo ma oweko mit kom ma Betty onongo tye kwede me kwan ki Precious okwe woko?
-
Ngo ma okonyo Betty me cako dok pwony ki mit kom?
-
Pwony ki mit kom gudo cwiny dano
Pingo myero waket cwinywa i kom kit mabeco ma jo ma giwinyo lokwa gitye kwede?
-
Pwony ki mit kom twero gudo lutino kwanwa ki jo mukene nining?
