KWOWA MACALO LUKRICITAYO
Tira—Nyuto Mar pa Jehovah
Tira tutwalle kwako miyo cik ki pwony, ento bene kwako juk ki pwod. Jehovah tirowa wek wawore i yo ma en mito. (Rom 12:1; Ibru 12:10, 11) I kine mukene, tira twero bedo lit adada ento weko wabedo jo ma kitgi atir dok wanongo mot. (Car 10:7) Gin ango ma jo ma miyo tira ki ma kiminigi tira myero guket i wigi?
Lami tira. Luelda, lunyodo, ki dong jo mukene gitute me miyo tira ki kica dok ki mar calo Jehovah. (Jer 46:28) Kadi wa tira pi bal madit omyero kimi i yo mupore dok ki mar.—Tito 1:13.
Ngat ma kimiye tira. Omyero waket tira i tic cutcut labongo paro pi kit ma kimiyo kwede. (Car 3:11, 12) Macalo jo ma tye ki roc, wan ducu wamito tira, dok man twero bino i yo mapatpat. Watwero nongo tira ki i gin ma wakwano ki i Baibul nyo ma wawinyo ki i cokke. Dok twero mitte ni jo mogo gunong tira ki bot komitti me ngolo kop. Ka wajolo tira, ci wabedo ki kwo maber i kare-ni dok wanongo kwo ma pe tum i anyim.—Car 10:17.
NEN VIDIO MA WIYE TYE NI ‘JEHOVAH PWONYO NGAT MA EN MARO,’ CI IGAM LAPENY MAGI:
-
Kwo pa Canon onongo tye nining i kare ma en pud tidi, dok kwone olokke nining?
-
Tira me mar ango ma en onongo ki bot Jehovah?
-
Pwony ango ma wanongo ki i gin mutimme i kom Canon-ni?