Me yomo cwiny Lubanga, lutino kwan me Baibul myero gudong niye matek. (Ibru 11:6) Watwero konyogi me timo meno ka watiyo ki buk me Bed ki Kwo Maber Nakanaka! Buk man konyo dano me niang ginacoya, tye ki wang Baibul ma pigi tego, lapeny, vidio, ki dong cal mamwonya. Ka wakonyo lutino kwanwa me dongo kit mabeco ki dongo watgi ki Lubanga, nongo watye ka gedo ki jami ma twero kanyo mac.—1Kor 3:12-15.

Jo mukene ginongo tek adada me doko larem Lubanga ma pe gitwero nenone-ni. Pi meno, omyero wakonygi me ngeyo ki geno Jehovah.

NEN VIDIO MA WIYE TYE NI TI KI BUK ME BED KI KWO MABER NAKANAKA! ME DONGO NIYE I KOM JEHOVAH,” CI IGAM LAPENY MAGI:

• Wangeyo nining ni laminwa-ni oyubbe maber pi kwangi?

• En otiyo ki lapeny i yo maber nining wek ekony latin kwanne me tito tamme i kom gin ma kicoyo i Icaya 41:10, 13?

• Vidio ki wang Baibul ogudo latin kwanne nining?

Dano mapol pe giniang lok madok i kom ginkok, nyo bene pe gineno calo obedo mic ma Lubanga omiyo pigi. (Gal 2:20) Pi meno, omyero wakonygi me dongo niye i kom ginkok pa Yecu.

NEN VIDIO MA WIYE TYE NI TI KI BUK ME BED KI KWO MABER NAKANAKA! ME DONGO NIYE I KOM YECU,” CI IGAM LAPENY MAGI:

• Wangeyo nining ni omege-ni oyubbe maber pi kwangi?

• En otiyo ki bute me “Tim Kwed” nining me konyo latin kwanne?

• Pingo pire tek me lega pi latin kwanni?