Yecu otiyo ki jami ma otimme me pwonyo dano. (Luka 13:1-5) In bene itwero tic ki jami ma tye ka timme i kin piny wek dano gubed ki miti me winyo kwena me Ker. Me labolle, i nge lok i kom kit ma wel jami tye ka medde kwede, can mo ma opoto atura, jemo, kit ma dano gitye ka tic ki yadi calo jayigi-ni, nyo gin mo mukene, peny lapeny ma weko gitwero tito tamgi. Itwero penyogi ni: “Itamo ni peko man twero gik i nino mo?” nyo “Itamo ni gin ango ma twero konyowa me cobo peko man?” Ci nywak kwede ginacoya mo ma kubbe ki lok meno. Ka ngat meno onyuto miti, nyutte vidio nyo mine ginakwana mo ki i Kin Jami Ticwa me Pwony. Ka watye ka tute me gudo cwiny dano ma i wang ticwa, myero watimo jami ducu pi “lok me kwena maber.”—1Kor 9:22, 23.

Gin ango ma twero gudo cwiny dano ma i kabedowu?