Cako lok ki dano obedo yo maber adada me miyo caden, dok bene keliwa yomcwiny. Kadi bed kit meno, ka waketo tamwa tutwal i kom kit ma wabicako nyamo kwede Ginacoya, ci watwero bedo ki lworo me cako lok ki dano. Ento me ka bedo ki par mukato kare woko i kom kit ma ibimiyo kwede caden, tute me nyuto ni iparo pi ngat meno. (Mat 22:39; Pil 2:4) Ka icako lok ki dano dok kare owec me lok i kom niyeni, ci itye ki jami tic mapol adada ma twero konyi.

Jami tic magi twero konyi nining me miyo caden i kom pwony mo me Baibul ka icako lok ki dano?

NEN VIDIO MA WIYE TYE NI ‘NYONYO PAKO NYONYO LAWOTE’—CAKO LOK KI DANO, CI IGAM LAPENY MA LUBO:

Jami adek mene ma twero konyowa me dongo dirowa me cako lok ki dano?