LONYO MA TYE I LOK PA LUBANGA | YUBU 1-5
Yubu Ogwoko Gennene i Kare me Atematema
Yubu onongo bedo i lobo Uj i kare ma jo Icrael gitye i opii i Ejipt. Kadi bed Yubu pe Laicrael, en obedo lawor Jehovah ma lagen. En onongo tye ki lutino mapol, lim madwong, dok obedo ngat ma rwomme dit i kabedone. En obedo lami tam ma kiworo dok langol kop ma pe poko kin dano. En onongo konyo lucan. Yubu obedo laco ma lagen.
Yubu onyuto ka maleng ni Jehovah aye Ngat ma pire tek loyo i kwone
-
Catan oneno gene pa Yubu. En pe okwero ni Yubu obedo lawiny bot Jehovah, ento okelo pyem i kom gin mumiyo Yubu woro Jehovah
-
Catan owaco ni Yubu tiyo pi Jehovah pi rwot ineka keken
-
Me dok i kom pyem pa Catan-ni, Jehovah omiye kare me temo laco ma lagen man. Catan obalo jami ducu ma tye i kwo pa Yubu
-
I kare ma Yubu ogwoko gennene, Catan okelo pyem i kom genne pa dano ducu
-
Yubu pe otimo bal nyo okok i kom Lubanga ni otimo gin marac
