Brocuwa me Winy Lok pa Lubanga kiyubo me pwonyo lok ada me Baibul ma pigi tego kun kitiyo ki cal, pi konyo jo ma pe gingeyo kwan. Pwony acel acel tye ki cal mamwonya kacel ki atero ma cimo cal mene ma omyero wunyam cakke i acakkine nio wa i agikki.

Brocuwa me Winy Lok pa Lubanga wek Ibed Kwo Nakanaka tye ki cal marom ki me Winy Lok pa Lubanga, ento tye ki coc mapol dok kitwero tic kwede pi konyo lutino kwan ma gingeyo kwan manok. Lutit kwena pol kare gitiyo kwede macalo kopi pa lapwony ka latin kwangi tye ka tic ki Winy Lok pa Lubanga. Pot karatac mogo tye ki bok ma tye ki ngec mukene ma kitwero tic kwede, ma lubbe ki niango pa latin kwan.

Iromo tero brocuwa magi i kare mo keken, kadi bed pe gitye i kin jami ma watye ka terogi i dwe meno. Ka itye ka kwan ki latin kwanni, ti ki cal me tito gin ma tye i Baibul. Peny lapeny ma twero tugo tam pa latin kwan wek inen ka en oniang. Wukwan ci wunyam ginacoya ma tye i te pot karatac acel acel. I nge tyeko brocuwa man, wuromo kwano buk me Baibul Twero Pwonyowa Gin Ango? me konyo latin kwanni me dongo wa i batija.