GIN MUMIYO PIRE TEK: Buk me 1 Jo Korint tye i kin waraga 14 ma lakwena Paulo ocoyo me cuko cwiny Lukricitayo luwote. Ka ngat moni tye ka coyo waraga, en bedo ki kare me yero lokke ki diro, dok ngat ma kicone waraga-ni twero kwanone tyen mapol. Coyo waraga obedo yo maber me miyo caden bot wadiwa ki luwotwa. Bene obedo yo maber me miyo caden bot jo ma pe watwero lok kwedgi wang ki wang. Me labolle, twero bedo ni ngat moni onyuto miti, ento tek adada me nonge gang. Pe yot me nongo jo mogo ma i wang ticwa pien ni gibedo ka ma o iye tek. Ngo ma myero waket obed i wiwa ka watye ka coyo waraga bot ngat ma pe wangeyo?

KIT ME TIMONE:

• Co gin ma onongo ibiwaco ka itye ka lok atir atir ki ngat meno. I acakki me waraga-ni, tit nga ma ibedo, ki gin mumiyo icoyo waraga meno. Gwok nyo itwero penyo lapeny ma ngat meno myero otam iye, ci nyutte kabedowa me intanet. Titte pi Online Bible Study Lessons, (pud pe tye i leb Acholi), yub ma watye kwede me kwano Baibul ki dano i pacogi, nyo mi labol me dul mogo ma tye i bukke ma watiyo kwedgi me kwan ki dano. Itwero keto gin akwana mogo calo kad me jw.org, karatac me lwongo, nyo trak i baaca meno

• Pe idur lok mapol. Dol te waragani ma peya ngat-ti ool ki kwanone.​—Nen kit me coyo waraga man

• Kwan waraga meno me niang ka bal mo pe tye iye dok leng. Nen ni kwanone yot, kicoyo i yo me lirem, ki diro, dok tye me cuko cwiny