Atematema twero turo cwinywa adada tutwalle ka ori pi kare malac. Daudi onongo ngeyo ni pekki ma Kabaka Caulo tye ka kelone i kome-ni bigik ci ebidoko kabaka kit ma Jehovah ociko-ni. (1Cam 16:13) Niye pa Daudi okonye me diyo cwinye ki me kuro Jehovah.

Ka watye i atematema, watwero tic ki dirowa, ngecwa ki dong ryeko ma watye kwede me giko pekkiwa. (1Cam 21:12-14; Car 1:4) Ento i kare mukene, pekkiwa medde ameda kadi bed watimo jami ducu ma watwero ma lubbe ki cik me Baibul. Ka meno otimme, myero wadi cwinywa dok wakur Jehovah. Cokcok-ki en bigiko pekkiwa ducu dok ‘bijwayo pig wangwa woko ducu.’ (Yabo 21:4) Kadi bed pekkiwa ogik pien Jehovah aye otimo gin mo nyo pi tyen lok mo mukene, gin ma wangeyo aye ni atematema ducu wang ma ogik. Ngeyo lok man twero cuko cwinywa.

NEN VIDIO MA WIYE TYE NI JO MA GUNOTTE KACEL I LOBO MA OPONG KI APOKAPOKA, CI IGAM LAPENY MAGI:

• Pekki ango ma Lukricitayo ma i kupiny me lobo Amerika guwok ki iye?

• Gin gunyuto mar ki diyo cwiny nining?

• Gin gumedde ki keto cwinygi i kom ‘jami ma pigi tego loyo’ nining?—Pil 1:10