Jo ma pe gidonyo i tim macilo keken aye gitwero bedo ki wat macok ki Jehovah. (1Pet 1:14-16) Ka lutino kwanni me Baibul gitute me giko tim macilo, ci gitwero bene nongo adwogi mabeco i kwo me otgi, gibedo ki yotkom, dok pe gilanyo centegi.

Tit bot latin kwanni rwom me kwo ma Jehovah cwako, pingo myero walubi ki dong adwogi mabeco ma wanongo ka walubo. Ket cwinyi me konyo lutino kwanni wek gulok kit ma gitamo kwede, meno bikonyogi me timo jami ma Jehovah mito. (Ep 4:22-24) Cuk cwinygi ni ki kony pa Jehovah, gitwero juko tim maraco ma gubedo ka timone pi kare malac. (Pil 4:13) Pwonygi me bako doggi i lega bot Jehovah ka miti me timo jami maraco obino i cwinygi. Konygi me niang ki dong gwokke ki i kom jami mogo ma twero weko bedo tek botgi me timo gin matir. Cuk cwinygi me timo jami mabeco ma twero konyogi me ka jami maraco. Ibibedo ki yomcwiny me neno ka lutino kwanni me Baibul gitimo alokaloka i kwogi ki kony pa Jehovah.

NEN VIDIO MA WIYE TYE NI KONY LUTINO KWANNI ME BAIBUL ME KWERO TIM MACILO, CI IGAM LAPENY MAGI:

• Luelda kacel ki Betty gunyuto gen i kom Precious nining?

• Betty omedde ki konyo Precious nining?

• Precious oyenyo kony ki bot Jehovah nining?