KWOWA MACALO LUKRICITAYO
Kit me Tic ki Vidio ma Loko i Kom Yubwa me Kwano Baibul ki Dano
Watye ki vidio angwen ma loko i kom yubwa me kwano Baibul ki dano ma watiyo kwede i tic me pwony. Pingo kiyubo vidio magi?
-
Pingo Omyero Ikwan Baibul?—Maborre: Kiyubo vidio man me tugo miti pa dano i kom Baibul labongo paro dinigi. Cuko cwiny dano me kwano Baibul wek gunong lagam ma pigi tego i kwo dok tye ki labol pi lapeny mogo ma Baibul miyo lagamgi. Vidio man bene nyuto kit me penyo wek kikwan Baibul kwedi.
-
Pingo Omyero Ikwan Baibul? (Macekke): Vidio man obedo bute manok pa en maborre-ni. Vidio man twero tic maber i wang tic ma jone pe gitwero lok kwedwa pi cawa malac.
-
Ngo ma Timme ka Kitye ka Kwano Baibul?: Kiyubo vidio man me tugo cwiny dano i kom yubwa me kwano Baibul ki dano labongo cul dok gamo lapeny mogo ma dano maro penyone i kom yub meno, me labolle kit me penyo wek kikwan Baibul kwedi.
-
Wajoli i Kwanni me Baibul: Kiyubo vidio man me anyuta bot lutino kwan me Baibul. Kadi bed vidio man tye i pot karatac me aryo i buk me Bed ki Kwo Maber Nakanaka!, ento kitwero nyutone bene ka kitye ka nyamo brocuwa me Bed ki Kwo Maber Nakanaka! Vidio man loko i kom pwony ma tye i buk man ki dong kit ma kwano Baibul woto kwede.
Kadi bed kiyubo vidio magi pi tyen lok mapatpat, ento kitwero bene nyuto nyo cwalo mo keken ka opore. Kicuko cwiny lutit kwena ducu me bedo ki ngec i kom vidio magi ki dok me tic kwede i tic me pwony.
