April 1-7
JABULI 23-25
Wer 4 ki Lega | Lok me Cakone (Dak. 1)
1. ‘Jehovah Aye Lakwatta’
(Dak. 10)
Jehovah telowa (Jab 23:1-3; w11 6/1 11 para. 3)
Jehovah gwokowa (Jab 23:4; w11 6/1 11 para. 4)
Jehovah pitowa (Jab 23:5; w11 6/1 11 para. 5)
Jehovah paro pi luticce kit macalo lakwat ma lamar paro kwede pi romine.
PENNYE KEKENI NI, ‘Jehovah onyuto nining ni eparo pira?’
2. Yenyo Lonyo me Cwiny
(Dak. 10)
Jab 23:3—Gin ango ma bikonyowa me medde ki ‘bedo ki kwo matir’? (w11-E 2/15 24 para. 3)
Lonyo me cwiny ango ma inongo ki i kwanni me Baibul i cabit man ma imito nywakone?
3. Kwano Baibul
(Dak. 4) Jab 23:1–24:10 (th pwony me 5)
4. Kit me Cako Lok
(Dak. 3) MIYO CADEN I KARE MA OWEC. Nywak wang Baibul ma cuko cwiny bot ngat mo ma owacci ni eparo pi kabedo ma orumowa. (lmd pwony me 2 wi lok matidi me 5)
5. Dok Cen ka Lim
(Dak. 4) I OT KI OT. Nyut kit ma wakwano kwede Baibul bot ngat mo ma ogamo brocuwa me Bed ki Kwo Maber Nakanaka! (lmd pwony me 9 wi lok matidi me 3)
6. Kony Dano me Doko Lupwonnye
Wer 54
7. Wakwero Dwan Jo ma Pe Wangeyogi
(Dak. 15) Pwony ki lapeny.
Romi gingeyo dwan lakwatgi dok gilubo kore. Ento giringo woko ki bot ngat ma pe gingeyo dwane. (Jon 10:5) I yo acel-li bene, wan wawinyo dwan Jehovah gin ki Yecu, Lukwatwa ma lumar dok gigenne-ni. (Jab 23:1; Jon 10:11) Ento wakwero winyo dwan jo ma pe wangeyogi ma gitemme me balo niyewa kun gitiyo ki ‘lok goba.’—2Pet 2:1, 3.
Buk me Acakki cura adek loko i kom tyen mukwongo ma kiwinyo kwede dwan ngat ma pe kingeyo i lobo. Catan obino bot Kawa dok pe owacce anga kikome ma en ebedo, man oweko en obwolo Kawa. En oporo odenge ni etye larem Kawa, dok owaco lok goba i kom Jehovah ki dong mitine. Ki cwercwiny Kawa owinyo lok pa Catan, dok man okelo can i kom Kawa ki jo gange.
I kare-ni, Catan mito ni wabed ki akalakala i kom Jehovah ki dulle. En timo man kun tiyo ki lok goba ki dong ada ma orubbe ki goba. Ka wawinyo dwan ngat ma pe wangeyo, omyero wangwec woko! Tero itwa ka winyone kadi pi cawa manok keken twero kelo adwogi marac adada. Catan pe owaco lok mapol i kare ma en obwolo Kawa. (Acak 3:1, 4, 5) Ento ka ngat mo ma wangeyo—ngat ma marowa dok pe tye ki cwiny marac—mito nywako kwedwa lok mogo maraco i kom dul pa Jehovah kono?
Tuk VIDIO ma wiye tye ni Kwer ‘Dwan Jo ma Pe Ingeyogi.’ Ci ipeny lwak ki lapeny man:
Gin ango ma ipwonyo ki i kit ma Precious odok kwede i kom gin ma minne ma pe obedo Lacaden-ni otimo?
8. Kwano Baibul Kacel Macalo Kacokke
(Dak. 30) ia dul me 12 para. 1-12
