5:5-7, 11

Can onongo pe gengo Laicrael mo keken ki bedo ki wat maber ki Jehovah. Kadi wa Laicrael ma lacan loyo onongo pud twero miyo gityer ma yomo cwiny Jehovah tekke omiyo gin maber loyo ducu ma en tye kwede. Onongo gitwero miyo moko, ento Jehovah onongo mito ni moko meno obed “mapwotte,” kit moko ma kitiyo kwede pi welo me awora. (Acak 18:6) I kare-ni, Jehovah jolo ‘pak ma wamiye macalo gitum’ kadi bed kwo ma wawok ki iye weko pe wamiyo madwong kit ma wamito kwede.​—Ibru 13:15.

Man cuko cwinywa nining ka pe dong watwero tic pi Jehovah kit macon onongo watimo kwede pi peko me yotkom nyo pien pe watye ki kero muromo?