Lumege gitimo jami ma pigi tego adada i tic me Ker-ri. (Jab 68:11, NWT) Pol pa lutino kwan me Baibul ma wakwano kwedgi obedo pa Lumege dok pol pa lupainia marii gubedo lumege. Lumege alip mapol gitye ka tic matek macalo Lubetel, lumiconari, lugedo, ki dong lugony leb. Lumege ma guteggi gijingo odigi kacel ki kacokke. (Car 14:1) Kadi bed ni lumege pe gitiyo macalo luelda nyo lukony kor tic, pud gitwero keto yub me acoba i kacokke. Lumege, gin ango ma wutwero timone pi Jehovah?

• Dong kit mabeco ma opore pi Lakricitayo—1Tem 3:11; 1Pet 3:3-6

• Kony lumege me kacokke ma pe gitye ki ngec mapol tutwal.—Tito 2:3-5

• Med cawani dok idong dironi i tic me pwony

• Pwony leb mukene

• Mi kony ka ma can lutit kwena tye iye

• Pong fom me tic i Betel nyo me miyo kony i tic me gero odi me worowa

• Pong fom pi Cukul pa Lutit Kwena me Ker-ri

NEN VIDIO MA WIYE TYE NI ‘MON MA GITYE KA TIC MATEK I RWOT,’ CI IGAM LAPENY MAN:

• Lok pa lumege magi ocuko cwinyi nining?