OKWOWA MACALO LUKRICITAYO
Mar Nyuto Lukricitayo me Ada—Gwok Note ma Tye i Kinwa
GIN MUMIYO PIRE TEK: I dyewor ma en peya oto, Yecu olego ni lupwonnyene “gubed acel atika.” (Jon 17:23) Me bedo ma wanote, omyero wanyutu mar ma “pe bedo kun keto cwinye i kom gin marac ma gitimo i kome.”—1Kor 13:5.
KIT ME TIMONE:
-
Lub lanen pa Jehovah kun iketo cwinyi i kom kit maber ma jo mukene gitye kwede
-
Tim kica ki luwoti
-
Ka wucobo lok mo, pe dok itug lok meno lacen.—Car 17:9
NEN VIDIO MA WIYE TYE NI “WUMARRE I KINWU”—PE IKET CWINYI I KOM GIN MARAC MA GITIMO I KOMI, I NGEYE GAM LAPENY MAGI:
-
I bute mukwongo me vidio man, Helen onyuto nining ni etye ka “keto cwinye i kom gin marac ma gitimo i kome”?
-
I bute me aryo me vidio-ni, Helen olwenyo ki tam maraco nining wek ebed ki neno matir?
-
Helen ogwoko note ma tye i kacokke nining?