Lucaden pa Jehovah gitye ki mot mo ma pire tek adada. Macalo Lukricitayo ma gudyere dok gunongo batija, wamedde ki dongo wat macok ki Laloc Mamalo Twal, Jehovah. En onyikowa cok kwede kun tiyo ki Wode. (Jon 6:44) En winyo legawa.​—Jab 34:15.

Watwero gwoko watwa ki Lubanga nining? Me acel, myero wagwokke ki timo jami maraco calo Luicrael. I nge moko gicikke ki Jehovah, gin guyubo cal latin dyang ci gucako worone. (Nia 32:7, 8; 1Kor 10:7, 11, 14) Watwero penye ni: ‘Gin ango ma atimo ka akemme ki atematema? Tika ticca nyuto ni atero watta ki Jehovah calo gin ma pire tek?’ Marwa pi Wonwa me polo bikonyowa me gwokke ki jami ma en dagi.​—Jab 97:10.

NEN VIDIO MA WIYE TYE NI GWOK WATTI KI JEHOVAH (KOL 3:5), CI IGAM LAPENY MAGI:

• Cwiny me woro kwako gin ango?

• Pingo myero pe wawor lubange mukene dok wagwokke ki cwiny me woro?

• Tim abor kubbe ki woro jogi nining?

• Pingo myero jo ma gitye ki mot me tic i dul pa Jehovah gupar pi miti pa luotgi?