Latuku myero omedde ki pwonnye me ryeyo ler kome wek omedde bene ki bedo latuku mucwiny. I yo acel-li, omyero wamedde ki pwonyo kerowa me poko gin maber ki marac. (Ibru 5:14) Kadi bed ni i kare mukene wamito ni walub tam pa jo mukene, omyero wapwonnye me moko tam piwa kenwa. Pingo? Pien ngat acel acel bidok i lok ma i kome pire kene.​—Rom 14:12.

Pe omyero watam ni wabimoko tam maber pien dong warii i ada pi mwaki mapol. Wek wamok tam me ryeko, omyero wajenge i kom Jehovah, Lokke, ki dong dulle.​—Yoc 1:7, 8; Car 3:5, 6; Mat 24:45.

NEN VIDIO MA WIYE TYE NI ‘BED MA CWINYI PE PIDI,’ CI IGAM LAPENY MAGI:

• Tam ango ma onongo mitte ni Emily omoki?

• Pingo myero wagwokke ki tito kit ma wawinyo kwede ka mitte ni ngat moni omok tamme ma lubbe ki cwiny ma ngolle kop?

• Tam me ryeko ango ma luot mo gunywako ki Emily?

• Ka kwene ma Emily onongo iye tam mucwiny ma twero konye?