Kwo i kare man me agikki-ni opong ki pekki. Ka wawoto ki nyiko cok ki agikki piny pekki bene bimedde ameda. I kine mukene, pe wabibedo ki jami mogo me kom. (Kab 3:16-18) Gin ango ma bikonyowa me bedo ki tekcwiny ka watye ka wok ki i peko me can lim? Omyero wamedde ki geno Jehovah Lubangawa. En ocikke me gwoko luticce, dok en twero miniwa jami ma mitte i kit kwo mo keken ma watye ka wok ki iye.—Jab 37:18, 19; Ibru 13:5, 6.

Gin ma itwero timone:

• Leg Jehovah pi tira, ryeko ki dong kony.—Jab 62:8

• Bed atera me timo tic mo keken kadi ma naka peya itimo.—g-E 1/10 8-9, bok

• Medde ki timo jami me cwiny, man kwako kwano Lok pa Lubanga nino ducu, cito i cokke, ki dong nywako i tic me pwony

NEN VIDIO MA WIYE TYE NI GER OT MA BICUNG MATEK—“JAMI MA WUTYE KWEDE MYERO OROMWU,” CI IGAM LAPENY MAGI:

• Peko ango ma jo me ot mogo guwok ki iye?

• Gin ango ma pire tek loyo i kwowa?

• Watwero konyo jo ma gitye ka wok ki i peko me can lim nining?