Ti pi Jehovah, Lubanga ma Miyo wabedo Agonya
‘Ka ma cwiny pa Jehovah tye iye, kunnu bedo agonya bene tye iye.’—2 JO KORINT 3:17.
WER: 11, 137
1, 2. (a) Pingo lok i kom bedo opii ki bedo agonya pire onongo tek bot dano i kare pa lakwena Paulo? (b) Anga ma Paulo owaco ni miyo wabedo agonya?
LUKRICITAYO me cencwari me acel gukwo i te loc pa jo Roma, ka ma dano onongo gitye ki awaka pi cikgi, kit me ngolo kop, ki dong kit ma onongo gitye agonya kwede. Kadi bed kit meno, ker man onongo jenge i kom opii me timo tic matego. I kare mo, onongo ngat 1 i kin jo 3 ma gikwo i Ker me Roma obedo opii. Ki lok ada, bedo opii ki bedo agonya onongo tye lok ma pire tek pi lutedero, kadi wa Lukricitayo.
2 Lakwena Paulo ocoyo lok i kom bedo agonya tyen mapol. Ento en onongo pe tye ka temme me cobo peko me lobo, kit ma jo mapol me kare meno onongo gimito timone-ni. Ma ka meno, lakwena Paulo ki Lukricitayo luwote gutiyo matek me pwonyo jo mukene lok me kwena maber me Ker pa Lubanga, ki dok me konyogi me niang kit ma ginkok pa Yecu pire tek kwede. Paulo otito bot 2 Jo Korint 3:17.
Lukricitayo luwote Anga ma miyo gibedo agonya i yo me ada. En ocoyo ni: ‘Jehovah en Cwiny; ka ma cwiny pa Jehovah tye iye, kunnu bedo agonya bene tye iye.’—3, 4. (a) Gin ango ma Paulo oloko iye ma peya ocoyo 2 Jo Korint 3:17? (b) Ngo ma myero watim wek wanong bedo agonya ma a ki bot Jehovah?
3 I waragane me aryo bot jo Korint, Paulo otito pi gin mutimme i kom Moses i kare ma en olor piny ki i Wi Got me Cinai, i nge lok ki lamalaika pa Jehovah. Tur nyimme obedo ka ryeny aryenya! I kare ma Luicrael guneno Moses, lworo omakogi, pi meno, en oumo wange woko ki bongo nyo laum. (Nia 34:29, 30, 33; 2 Jo Korint 3:7, 13) Paulo otito ni: “Ento ka dano mo olokke bot Rwot [Jehovah], laum meno kwannye woko matwal.” (2 Jo Korint 3:16) Ngo ma Paulo onongo tye ka wacone?
4 Waneno i pwony mukato-ni ni Jehovah, Lacwe jami ducu, aye Ngat acel keken ma pe ki kigeng mo keken dok tye agonya i yo ducu. Pi meno, niange ka kiwaco ni bedo agonya tye ka ma Jehovah tye iye ki dong ka ‘ma cwiny pa Jehovah tye iye.’ Ento Paulo owaco ni ka wamito bedo agonya, myero walokke bot Jehovah. Man te lokke ni myero wabed ki wat macok kwede. I kare ma Luicrael gitye i dye tim, gin gubedo ki neno pa dano ma ka neno jami kit ma Jehovah neno kwede. Obedo calo bongo mo oumo tamgi ki cwinygi woko. Onongo gimito tic ki mot manyen me bedo agonya-ni pi cobo mitigi pigi kengi.—Jo Ibru 3:8-10.
Kadi wa ngat ma tye i buc bene twero bedo agonya
5. (a) Kodi bedo agonya ango ma cwiny pa Jehovah miyo? (b) Wangeyo nining ni ngat ma tye opii nyo i buc pud twero nongo mot me bedo agonyo ma Jehovah miyo? (c) Lapeny mene ma mitte ni wagamgi?
5 Bedo agonya ma cwiny pa Jehovah miyo ber loyo bedo agonya ki i opii. Cwiny meno weko wabedo agonya i yo ma dano pe twero miyone. Twero gonyowa ki i te opii me bal ki to, ki dok ki i te opii me woro me goba ki kwerre ducu. (Jo Roma 6:23; 8:2) Man pud dong bedo agonya maber adada! Kadi wa ngat ma tye opii nyo i buc bene twero bedo agonya i yo man. (Acakki 39:20-23) Gitweyo Lamego Nancy Yuen ki Omego Harold King i buc pi niyegi pi mwaki mapol, ento pud gubedo agonya i yo man. Itwero neno vidio i komgi i JW Library. (Nen i te INTERVIEWS AND EXPERIENCES > ENDURING TRIALS, yer leb Acholi.) Kong dong wagam lapeny aryo magi: Watwero nyutone nining ni bedo agonyawa pire tek mada botwa? Watwero tic kwede i yo me ryeko nining?
MOT ME BEDO AGONYA MA LUBANGA MINIWA PIRE TEK ADADA
6. Jo Icrael gunyuto nining ni pe gitye ki pwoc pi bedo agonya ma Jehovah ominigi?
6 Ka wanongo mot mo maber, wabedo ki pwoc pi lami mic meno. Ento Luicrael Wel 11:5, 6, 10; 14:3, 4) Man miniwa pwony ma pire tek.
pe gunyuto pwoc pi mot me bedo agonya ma Jehovah ominigi. I nge dwe manok keken ma Jehovah ogonyogi ki i opii i Ejipt, gin gucako paro cam ki jami amata ma onongo tye kunnu. Gubedo ka nguru i kom manna, cam ma Jehovah onongo tye ka minigi. Onongo bene gimito dok cen i Ejipt! Ki bot jo Icrael, ‘rec, okwer, okono, kitunggulu maboco, kitunggulu matino ki kitunggulu matik’ onongo pigi tek loyo bedo agonya ma Jehovah omiyogi me wore. Dong pe tye me ur ni kiniga omako Jehovah matek i komgi. (7. Paulo oketo i tic tira ma en ocoyo i 2 Jo Korint 6:1 nining, dok wan bene watwero timo kit meno nining?
7 Paulo ociko Lukricitayo ducu ni pe guwek nyuto pwoc pi mot me bedo agonya ma Jehovah omiyo botwa kun tiyo ki Wode, Yecu Kricito. (Kwan 2 Jo Korint 6:1.) Macalo dano ma tye ki roc, Paulo onongo tye i te opii me bal ki to, dok man oweko en owinyo marac adada. Ento en pud owaco ni: “Apwoyo Lubanga pi Yecu Kricito Rwotwa!” Pingo Paulo owaco lok meno? Paulo otito bot Lukricitayo luwote ni: “Pien cik pa cwiny me kwo ma tye i Kricito Yecu dong ogonya woko ki i te cik me bal ki to.” (Jo Roma 7:24, 25; 8:2) Calo Paulo, wan bene myero wiwa pe owil ni Jehovah ogonyowa ki i opii me bal ki to. Ginkok oweko twere botwa me tic pi Lubangawa ma nongo cwinywa pe pidowa, dok man keliwa yomcwiny me ada.—Jabuli 40:8.
Tika itye ka tic ki tweroni me moko tam me timo gin ma Jehovah mito nyo gin ma imito? (Nen paragraf 8-10)
8, 9. (a) Tira ango ma lakwena Petero omiyo ma lubbe ki kit ma myero wati kwede ki motwa me bedo agonya? (b) Ngat moni twero tic ki motte me bedo agonya i yo marac nining?
8 Pe myero wawac awaca keken ni watye ki pwoc bot Jehovah, ento myero bene wagwokke wek pe wati ki motwa 1 Petero 2:16.) Cik man poyo wiwa pi gin mutimme i kom Luicrael i dye tim. Tira man bene mitte botwa i kare-ni, nyo gwok makato. Catan kacel ki lobo man miniwa jami mamwonya mapol me aruka, acama, amata ki me galowang. Lucwal kwena me cato wil gitiyo ki anyira maleng me tuku ki wiwa wek wawil jami ma pe mitte. Lobo-ni twero bwolowa oyotoyot adada wek wati ki motwa me bedo agonya i yo marac.
me bedo agonya i yo marac. Me labolle, lakwena Petero ocikowa ni pe myero wati ki bedo agonyawa me timo gin marac. (Kwan9 Tira ma Petero omiyo-ni bene gudo wa jami ma pigi tek i kwowa, calo kwan kacel ki dog tic ma wabiyero, ki dong gin ma wabitimo ki kwowa. Me labolle, jo matino gibedo i lyeto me kwan matek wek kigamgi i univaciti madongo loyo. Jo mapol minigi tam ni ka gukwano i rwom ma lamal ci gibinongo tic mabeco, cente mabup, dok dano biworogi. Jo magi gitwero nyuto bot bulu ngec ma cwako lokgi, ni jo ma gukwano i univaciti ginongo cente madwong loyo jo ma gukwano i cukul me pwonyo diro tic cing. Kwan i rwom ma lamal twero nen calo tam maber adada bot jo matino ka mitte ni guyer gin ma bigudo kwogi i anyim. Ento ngo ma gin kacel ki lunyodogi myero wigi opo iye?
10. Gin ango ma myero wiwa opo iye ka watye ka moko tam ma lubbe ki gin ma gudowa ki acel acel?
10 Jo mogo gitamo ni kit ma jami magi gudo ngat acel acel, myero bene gibed agonya me yero gin ma gimito, teke cwinygi pe pidogi iye. Mukene gitamo pi lok pa Paulo ni: “Pingo gigengo kuc ma atye kwede me timo gin mo-ni woko, pi tam ma tye i cwiny dano mukene?” (1 Jo Korint 10:29) Kadi bed watye agonya me moko tam ma lubbe ki kwan ki dog ticwa, wiwa myero opo ni bedo agonyawa tye ki wang coone dok ni tam ducu ma wamoko tye ki adwogine. Meno aye tyen lok mumiyo Paulo owaco ni: “‘Atwero timo jami ducu,’ ento meno pe nyuto ni jami ducu tye ki kony. ‘Atwero timo jami ducu,’ ento man pe nyuto ni jami ducu dongo niye pa dano.” (1 Jo Korint 10:23) Dong kadi bed ni watye agonya me moko tam madok i kom gin ma gudowa ki acel acel, gin ma wamito aye pe pire tek loyo.
WATIYO KI MOTWA ME BEDO AGONYA I YO ME RYEKO KA WATIYO PI JEHOVAH
11. Pingo Jehovah ogonyowa?
11 I kare ma Petero ocikowa pe me tic ki bedo agonyawa i yo marac, en owaco ni yo maber loyo ma watwero tic ki mot man aye me bedo “opii pa Lubanga.” (1 Petero 2:16) Tyen lok mumiyo Jehovah otiyo ki Yecu me gonyowa ki i opii me bal ki to aye wek wati ki kwowa ducu me Wore.
Yo maber loyo me tic ki mot me bedo agonya aye me tic ki cawawa kacel ki kerowa pi Jehovah
12. Lanen maber ango ma Nua ki jo gange guwekiwa?
12 Yo maber loyo me tic ki mot me bedo agonya aye me tic ki cawawa kacel ki kerowa pi Jehovah. Man bigwokowa wek yub me lobo-ni kacel ki mitiwa pe gudok jami ma pigi tek loyo i kwowa. (Jo Galatia 5:16) Tam kong i kom gin ma Nua kacel ki jo me gange gutimo. Gukwo i lobo ma opong ki tim bwami kacel ki tarwang. Ento gin pe gudonyo i tim pa jo ma gurumo ka ngetgi. Gin guyero me lungo wigi i tic ma Jehovah ominigi. Guyubo yeya, gucoko cam pigi ki pi lee, dok guciko jo mukene i kom Pii Aluka ma onongo bibino-ni. “Nua otimo kumeno; ocobo ducu macalo Lubanga ocike.” (Acakki 6:22) Macalo adwogine, Nua kacel ki jo me ode gubwot i kare ma kityeko lutim maraco.—Jo Ibru 11:7.
13. Tic ango ma Jehovah ocikowa ni watim?
13 Ngo ma Jehovah ocikowa ni watim i kare-ni? Macalo lupwonnye pa Yecu, wangeyo ni Lubanga ocikowa me tito kwena. (Kwan Luka 4:18, 19.) I kare-ni, Catan oumo wang jo mapol oweko pe gitwero ngeyone ni gitye opii pa dini goba, jami me kom, ki tim me wibye. (2 Jo Korint 4:4) Calo Yecu, wan bene watye ki mot me konyo jo mukene wek gunge dok guwor Jehovah, Lubanga ma weko wabedo agonya. (Matayo 28:19, 20) Tito kwena bot jo mukene pe yot. I kabedo mogo, dano pe gitye ki miti me ngeyo Lubanga, mukene bene gibedo ki kiniga ka watito kwena botgi. Ento kit ma Jehovah aye ma ocikowa me tito kwena-ni, myero wapenye kekenwa ni, ‘Tika atwero tic ki motta me bedo agonya me medo cawana i tic pa Jehovah?’
14, 15. Ngo ma jo pa Jehovah mapol gumoko tamgi me timo? (Nen cal ma tye i pot karatac 9.)
14 Tye me cuko cwiny ni luwor Jehovah mapol guniang ni agikki me lobo-ni cok adada dok gudwoko rwom me kwogi piny ci gucako tic macalo painia. (1 Jo Korint 9:19, 23) Jo mogo gitiyo calo painia i kacokkegi, ento mogo gidak i kacokke ma mito kony. I mwaki abic mukato-ni, jo makato 250,000 gucako tic macalo painia, dong kombeddi, wel painia marii kato 1,100,000 kulu. Pud dong mwonya adada ni jo mapol gitye ka tic ki motgi me bedo agonya i yo man!—Jabuli 110:3.
15 Ngo ma okonyogi me tic ki motgi man i yo me ryeko? Nen kong labol pa John ki Judith, ma gutiyo i lobe mapol pi mwaki 30 mukato-ni. Gin gutito ni i kare ma kicako Cukul pa Painia i 1977, kicuko cwiny lutino kwan me cito ka tic ka ma can lutit kwena tye iye. Me cobo yub meno, onongo mitte ni John gin ki Judith gukwo kwo ma rwomme lapiny. Meno aye tyen lok mumiyo John obedo ka loko dog ticce kare ki kare. I nge kare mo, gucito ka tito kwena i lobo mukene. Ngo ma okonyogi me loyo ariya mogo calo pwonyo leb manyen, ki dong ngi ki tekwaro kacel ki kabedo manyen? Gulego bot Jehovah dok gujenge i kome pi kony. Gin giwinyo nining pi mot me tic pi Jehovah i yo man pi mwaki mapol? John owaco ni: “Awinyo ni alungo wiya i tic ma pud dong Yakobo 4:8 ma waco ni: ‘Wunyik cok bot Lubanga, ci en bene binyiko cok botwu.’ Angeyo ni dong atyeko nongo gin ma abedo ka yenyone, kwo me yomcwiny dok ma tyen Iokke tye.”
ber loyo. Wat i kinwa ki Jehovah odoko cok adada, calo wat i kin latin ki wego ma lamar. Dong aniang maber lok ma i16. Jo alip mapol gutiyo ki motgi me bedo agonya i yo me ryeko nining?
16 Calo John ki Judith, jo mogo gitwero tic calo painia pi mwaki mapol. Pi kwo ma jo mukene tye iye, miyo gitwero tic calo painia pi kare manok keken. Kadi bed kumeno, jo mogo gidyere me miyo kony me gedo i lobe mapatpat. Me labolle, omege ki lumege ma welgi romo 27,000 gucito ka miyo kony me gero gang kalwa madit i Warwick, New York. Jo mogo gucito pi cabit aryo, mogo pi dwe manok, ki mukene pi mwaka acel nyo makato. Pol pa omege ki lumege magi gujalo jami mogo wek gucit ka tic i Warwick. Magi lanen maber adada pa jo ma gutiyo ki bedo agonyagi me kelo pak ki deyo bot Jehovah, Lubanga ma miyo wabedo agonya!
17. Mot ango ma watwero bedo ki gen me nongo ka watiyo ki bedo agonyawa i yo me ryeko i kare-ni?
17 Watye ki pwoc ni wangeyo Jehovah dok wanongo mot me bedo agonya ma bino pi wore. Dong wanyut wunu i tam ma wamoko ni mot man pire tek botwa adada. Ma ka tic kwede i yo marac, myero wati kwede pi Jehovah ki cwinywa ducu. Ci dong, wabinongo mot ma Jehovah ociko piwa i kare ma en owacci: “Gibigonyo ginaketa woko ki i opii me bedo gin ma top, wek gunong kuc ki deyo ma gimiyo ki litino pa Lubanga.”—Jo Roma 8:21.