Wun Jo Matino, Tika Wuketo Cwinywu i Cobo Yub me Cwiny?
“Leg Rwot [Jehovah] okonyi i ticci ducu ma itiyo, ci yub ducu ma itye kwede bicobbe maber dok kakare.”—CAROLOK 16:3.
WER: 135, 144
1-3. (a) Ngo ma jo matino ducu gikemme kwede, dok watwero porone ki gin ango? (Nen cal ma tye i pot karatac man.) (b) Ngo ma twero konyo Lukricitayo ma bulu ma lubbe ki lok man?
GO KONG ni itye ki pulan me cito i yub mo ma pire tek ma bitimme i taun mo mabor. Wek icit i kabedo meno, mitte ni iit bac. Ma io i bac pak, wii kong ocung woko pien dano ki bac tye mapol ata. Ento berre tye ni ingeyo ka ma ibicito iye wa ki bac ma myero iit kikome. Pe ibiito bac mo mapat pien ingeyo ni obiteri i kabedo mapat.
2 Kwo obedo calo wot me cito ka mo, dok wun jo matino wutye calo jo ma i bac pak. I kare mukene tye jami mapol ata ma myero iyer ma wii bene cung woko. Ento ka ingeyo ka ma imito cito iye, ci bibedo yot piri me moko tam matir. Yo mene ma myero ikwany?
3 Pwony man bigamo lapeny meno, dok bicuko cwinyi me keto tammi i kom kit me yomo cwiny Jehovah. Man kwako lubo tam pa Jehovah i gin mo keken ma ibiyero i kwoni, calo rwom me kwan, tic, ki dok ka myero inyomme Carolok 16:3.
dok inywal lutino. Kwako bene wa tic matek me cobo yub me cwiny, nyo yub ma weko watwa ki Jehovah bedo tek. Ka iketo cwinyi i kom tic pi Jehovah, ci itwero bedo ki gen ni en bimini mot dok bikonyi me cobo yubbi.—KwanPINGO MYERO WAKET YUB ME CWINY?
4. Ngo ma wabinyamo i pwony man?
4 Pire tek ni waket yub me cwiny. Pingo? Wabineno tyen lok adek. Tyen lok me acel ki me aryo bikonyi me neno ni tic matek me cobo yub me cwiny konyi me doko larem Jehovah macok. Tyen lok me adek binyuto gin mumiyo pire tek ni iket yub magi ma pud itidi.
5. Tyen lok ma pire tek loyo me keto yub me cwiny obedo ngo?
5 Tyen lok ma pire tek loyo me keto yub me cwiny aye me pwoyo Jehovah pi marre ki jami mabeco ma en otimo piwa. Laco Jabuli mo acel owaco ni: “Miyo pwoc bot Rwot [Jehovah] en gin maber . . . Pien in, ai Rwot, pi ticci me aura ma itiyo omiya yomcwiny, pi tic ma itiyo miyo awero wer ki yomcwiny.” (Jabuli 92:1, 4) Tam kong i kom jami duc ma Jehovah omini: kwoni, niyeni, Baibul, kacokke, ki dong gen me kwo i lobo Paradic pi naka. Ka iketo yub me cwiny, ci inyuto bot Jehovah ni itye ki pwoc pi jami magi ducu dok man weko inyikke cok bote.
6. (a) Keto yub me cwiny twero gudo watti ki Jehovah nining? (b) Yub mene ma itwero ketone i kare ma pud itidi?
6 Tyen lok me aryo me keto yub me cwiny aye pien ka itiyo matek me cobo yub magi, ci nongo itye ka timo jami mabeco pi Jehovah. Dok man weko ibedo cok kwede. Lakwena Paulo ocikke ni: “Lubanga gire pe ye gin ma pe tye kakare, wiye pe biwil i kom tic ma yam wutiyo, kadi ki mar ma wunyuto pire.” (Jo Ibru 6:10) Kadi bed ni pud itidi, meno pe gengi keto yub me cwiny. Me labolle, Christine onongo tye ki mwaka 10 keken i kare ma en omoko tamme me kwano gin mutimme i kwo pa Lukricitayo ma lugen kare ki kare. Toby onongo tye ki mwaka 12 i kare ma en oketo yub ni myero ekwan Baibul nio wa i tyekone ma peya enongo batija. Maxim onongo tye ki mwaka 11 ki laminne Noemi onongo tye ki mwaka 10 i kare ma gunongo batija. Gin aryo-ni ducu guketo yub me tic i Betel. Wek giket cwinygi i kom yubgi meno, gin gumwono fom me penyo pi tic i Betel i kor otgi. In kono? Tika itwero tamo pi yub mogo ma in itwero ketone ki dok kit me tic matek me cobone?—Kwan Jo Pilipi 1:10, 11.
Ka ingeyo yub ma itye kwede, ci bibedo yot piri me moko tam me ryeko
7, 8. (a) Keto yub twero konyowa me moko tam nining? (b) Pingo bulu mo acel omoko tamme pe me cito i univaciti?
7 Tyen lok me adek me keto yub me cwiny ma pud itidi obedo ngo? Macalo ngat matidi, itye ki tam mapol ma myero imoki. Myero imok tam ma lubbe ki rwom me kwan nyo dog tic ma ibiyero, ki dong jami mukene mapol. Moko tam i kom jami magi bedo calo nongo io i angakangaka yo i wotti. Ka ingeyo ka ma itye ka cito iye, ci bibedo yot me moko tam i kom yo mene ma myero ikwany. I yo acel-li, ka ingeyo yub ma itye kwede, ci bibedo yot piri me moko Carolok 21:5 waco ni: “Ngat ma yubo yubbe ma nongo kong oketo i tam, bilimo jami madwong ata.” Ka icako goyo pulanni con kun iketo yub mabeco, ci ibicobo yub meno bene con. Meno aye gin mutimme i kom Damaris i kare ma en mito moko tam ma pire tek macalo bulu.
tam me ryeko.8 Damaris okato peny me cinia maber adada, dong en onongo twero cito ka kwan me nono i univaciti wek edok lapilida, ento ma ka meno, en oyero me timo tic mo ma culle lapiny. Pingo? Pien i kare ma en pud tidi, en omoko tamme me bedo painia. En owaco ni: “Meno onongo mito ni ati pi cawa manok. Kono onongo acito i univaciti ka kwan me bedo lapilida, onongo abinongo cente madwong, ento pe bibedo yot me nongo tic ma weka kare me bedo painia.” Damaris dong otiyo macalo painia pi mwaka 20. Tika en winyo ni eketo yub mupore i kare ma pud etye mwaka apar ki wiye? Ada, en winyo kumeno. I ka ticce, en rwatte ki lupilida mapol ma gitimo tic ma onongo en bitimone ka onongo en ocit i univaciti. En owaco ni polgi pe ginongo yomcwiny i ticgi. Damaris winyo ni pi mwaki ducu ma etiyo calo painia, enongo yomcwiny madwong.
9. Pingo watye ki awaka i kom jowa matino?
9 Jo matino alip mapol i but lobo-ni lung gitye ka tic matek dok gimito apwoya. Giketo tamgi ducu i i kom watgi ki Jehovah kacel ki cobo yubgi me cwiny. Jo matino magi ginongo yomcwiny i kwogi kun nongo bene gipwonye me lubo tira pa Jehovah i jami ducu, ma man kwako kwan, tic, ki kwo me ot. Solomon owaco ni: “Gen Rwot [Jehovah] ki cwinyi ducu.” En dok omedde ni: “I kit kwoni ducu wii myero opo i kom Rwot [Jehovah], ci en bitiro yo ma iwoto iye bedo atir.” (Carolok 3:5, 6) Wun jo matino, Jehovah marowu tutwal! Piwu tek bote adada, dok en bigwokowu, bitelowu, dok biminiwu mot.
YUBBE MABER ME TITO LOK I KOM JEHOVAH
10. (a) Pingo myero tic me tito kwena obed i kin jami ma pigi tek loyo botwa? (b) Gin ango ma itwero timone wek idong dironi me tito pi niyeni?
10 Ka iketo cwinyi ducu i kom yomo cwiny Jehovah, ci ibibedo ki miti me tito pire bot jo mukene. Yecu Kricito owaco ni “myero kong gikwong tito lok me kwena maber.” (Marako 13:10) Pi meno, tic me tito kwena mitte pi oyot, dok myero obed gin ma pire tek loyo botwa. Tika itwero keto yub me tito kwena kare ducu? Tika itwero tic macalo painia? Ento ket ni inongo tito kwena pe mit kono? Gin ango ma itwero timone wek idong dironi me tito pi niyeni? Tye jami aryo ma twero konyi: Yubbe maber, dok pe iol woko ki tito bot jo mukene lok i kom Jehovah. Itwero bedo ki ur i kom kit ma tic me tito kwena bidoko mit kwede.
In mono iyubbe nining me tito lok i kom Jehovah bot jo mukene? (Nen paragraf 11, 12)
11, 12. (a) Ngo ma twero konyi me yubbe wek itit bot jo mukene lok i kom Jehovah? (b) Omego mo matidi otiyo ki kare ma owec nining me lok i kom Jehovah i cukul?
11 Cak ki yubo lagam pi lapeny mogo ma lutino kwan luwoti gitwero penyi, me labolle, “Pingo iye i kom Lubanga?” Kabedowa me intanet me jw.org/ach tye ki vidio ma konyo jo matino me nongo lagam pi lapeny meno. Nen i te BUKKE > VIDIO. Ibinongo vidio ma wiye tye ni “Gin ma Luwoti Giwaco—Ye i Kom Lubanga.” Vidio man bikonyi me yubo lagammi piri keni. Itwero nongo kony ki i wang Baibul mogo ma kiyerogi. Me labolle, itwero tic ki wang Baibul adek magi me tito pingo iye i kom Lacwec—Jo Ibru 3:4, Jo Roma 1:20, ki Jabuli 139:14. Ka itiyo ki vidio magi, ci itwero yubbe me gamo lapeny mapatpat.—Kwan 1 Petero 3:15.
12 Tit bot lutino kwan luwoti ni gitwero neno nyo kwano jami mapol ki i kabedowa me intanet me jw.org. Meno aye gin ma Luca otimo. Jo me kilacine onongo gitye ka lok i kom dini mapatpat. Luca oneno ni buk me pwony otito lok ma pe tye atir i kom Lucaden pa Jehovah. Kadi bed ni lworo omako Luca, en openyo lapwony ka etwero tito bot lutino kwan luwote pingo jami magi pe tye ka kare. Lapwony oye, ci man omine kare me nyuto kabedowa me intanet bot jo ducu ma i kilacigi. Lapwony omiyo homework ni dano ducu me kilaci gunen vidio ma wiye tye ni Kit me Loyo Labwura Labongo Lweny. Go kong yomcwiny ma Luca obedo kwede pien ni eloko i kom Jehovah i cukul!
13. Pingo pe myero wail cingwa ka watye ka kemme ki ariya?
2 Temceo 4:2) Meno aye gin ma Katharina otimo. En onongo tye ki mwaka 17 i kare ma oketo yub me tito kwena bot lutic luwote ducu. Ngat acel i kingi obedo ka yete tyen mapol. Ento wiye pe owil i kom yub ma en oketo. Kite maber-ri ogudo cwiny latic lawote mukene ma nyinge Hans. Hans ocako kwano bukkewa, dok kikwano Baibul kwede ci onongo batija. Katharina pe ongeyo man pien en onongo dong okobo ka mukene. I nge mwaki 13, i kare ma en tye i cokke gin ki jo ganggi en obedo ki ur madit me nenone ni lami pwony kara dok obedo Hans! Cwinye obedo yom adada ni pe eilo cingi woko ento emedde ki tito kwena bot lutic luwote.
13 Ka itye ka kemme ki ariya, pe iwek cwinyi otur ento medde ki tic me cobo yubbi. (WII PE MYERO OWIL I KOM YUBBI
14, 15. (a) Ngo ma myero wii opo iye ka jo mukene giketo lyeto i komi me kwo calo gin? (b) Itwero timo ngo wek icung matek ka jo mukene giketo lyeto i komi?
14 Pwony man dong ocuko cwinyi me keto tammi i kit me yomo cwiny Jehovah ki dok me keto yub me cwiny. Ento pol pa jo matino ma mwakagi rom ki megi gimito camo kwo keken. Dok gibicuko cwinyi me timo gin ma gitimo bene. Kadi ningo, bimitte ni iwek jo mukene guniang kit ma pire tek kwede me cobo yubbi. Pe iwek jo mukene guwek wii owil woko i kom yubbi. Ka onongo itye i bac pak ma kitito pire i acakki me pwony-nyi, tika onongo ibiito bac mo keken pien ni jo ma iye gitye ka camo kwo? Kulu, pe larre!
15 Dong ngo ma itwero timone me cung matek ka jo mukene gitye ka keti i lyeto me timo gin ma gitimo? Gwokke ki kabedo mogo ma weko bedo tek boti me cung matek i lyeto ma luwoti keto. (Carolok 22:3) Tam i kom adwogi marac ma twero bino ka itimo gin marac. (Jo Galatia 6:7) Dok ki cwiny me mwolo, ye tam mabeco ma jo mukene miyo boti. Winy lok ma lunyodoni kacel ki omege ki lumege ma guteggi giwaco.—Kwan 1 Petero 5:5, 6.
16. Gin mutimme i kom Christoph nyuto nining ni mwolo pire tek?
16 Cwiny me mwolo okonyo Christoph me jolo tam mabeco. Cutcut i nge batija, en ocako wire i kabedo mo ma kiryeyo iye ler. Ki kunu, bulu mukene gulwonge ni odony i gurupgi mo me tuku. En oloko bot laelda mo, ci laelda-ni owacce ni kong otam i kom jami maraco mogo ma en twero kemme kwede, calo bedo ki cwiny me pyem. Kadi bed kit meno, Christoph odonyo i gurup pa lutuku-ni. Ento i nge kare mo, en ocako neno ni tuku-ni opong ki tim gero dok kelo awano. Pud aye en odok bot luelda, ci gumine tam ma a ki i Baibul. Christoph owaco ni, “Jehovah ocwala lumi tam mabeco, dok awinyo Lokke, kadi bed ni otera kare me jolone.” In tika inyuto cwiny me mwolo kun ijolo tam mabeco?
17, 18. (a) Ngo ma Jehovah mito pi jo matino i kare-ni? (b) Ngo ma myero itim wek i kare me anyim, pe ibed ka koko ange pi tam ma imoko? Mi labol.
17 Baibul waco ni: “Bed ki yomcwiny i Latitlok 11:9) Jehovah mito ni ibed ki yomcwiny i kare ma pud itidi. I pwony man, ineno ni yo acel keken me bedo ki yomcwiny aye me keto cwinyi i cobo yubbi me cwiny, kun ilubu tam pa Jehovah i kit yo me kwoni ducu. Ka itimo meno ma pud itidi, ci i nge kare manok, ibineno kit ma Jehovah bitelli, bigwoki dok bimini mot. Tam kong i kom tam mabeco ducu ma en mini i Baibul, ci ilub lok man ma waco ni: “I kare me tinoni, ber ipo kom Lacwec mucweyo in.”—Latitlok 12:1.
kare me tinoni ma pud in awobi [nyo anyaka].” (18 Lutino gidongo dok giteggi oyotoyot. Tye me cwercwiny ni lacen, polgi gibedo ka koko ange pi yub maraco ma gumoko nyo pien pe gubedo ki yub mo keken i kare ma pud gitino. Ento ka iketo cwinyi i cobo yub me cwiny, ci i anyim ibibedo ki yomcwiny pi jami ma iyero. Meno aye kit ma Mirjana winyo kwede. I kare ma en bulu, onongo obedo latuku magwar. Kilwonge bene me cito ka pyem i tuku me Winter Olympic Games. Me ka cito, en oyero me tic pi Jehovah pi kare malac. Man dong mwaki 30 okato, ento en pud tye i tic pi kare malac kacel ki cware. En owaco ni dano ma gimito yweka, deyo, twero, ki lonyo pe gibedo ki yomcwiny me ada. En bene owaco ni yub maber loyo aye yub me tic pi Lubanga ki me konyo dano me ngeye.
19. Pingo pire tek ni iket cwinyi i cobo yubbi me cwiny i kare ma pud itidi?
19 Wun jo matino, myero kipwowu adada, pien kadi bed wutye ka wok ki i kwo matek, pud wuketo cwinywu ka tic pi Jehovah. Wuketo yub me cwiny, dok wutero tic me pwony calo gin ma pire tek loyo i kwowu. Dok pe wuye ni jo me lobo-ni guwek wiwu owil woko i kom yubwu. Wutwero bedo ki gen ni tutewu pe me nono. Wutye ki omegi ki lumege ma gimarowu dok gicwakowu. Pi meno, “leg Rwot [Jehovah] okonyi i ticci ducu ma itiyo, ci yub ducu ma itye kwede bicobbe maber dok kakare.”