Tika iketo cwinyi ka kwano Wi Lubele ducu me mwaka-ni? Ka kumeno, nen kong ka itwero gamo lapeny magi:

Omyero water jo ma kiwirogi nining?

Wapwoyogi pi niyegi; ento pe waketo cwinywa i komgi mukato kare woko. Wagwokke ki ‘dworo dano.’ (Juda 16) Pe wapenyogi lapeny i kom gengi ma weko lewic makogi.​—w20.01, pot 29.

Gin ango ma weko imoko ni Jehovah keto cwinye i komi?

Baibul tittiwa ni Jehovah oneni con ma peya kinywali. Dok en winyo legani. En ngeyo tammi ki gin ma tye i cwinyi dok jami ma itimo yomo cwinye nyo cwero cwinye. (1 Tekwaro 28:9; Car. 27:11) En aye onyiki cok bote.​—w20.02, pot 12.

Awene ma opore piwa me lok ki me ling alinga?

Wabedo ki yomcwiny me lok i kom Jehovah. Waloko ka waneno ni ngat moni tye ka kwanyo yo ma tere i bal. Luelda giloko ka mitte ni gumi tira. Pe wapenyo (nyo watito) kit ma ticwa tye ka wot kwede i lobo ma kigengo iye ticwa. Pe watito jami ma myero obed mung.​—w20.03, pot 20-21.

I yo ma nining ma bonyo ma kiloko i komgi i Joel cura 2 pat ki ma kiloko iye i Niyabo cura 9?

Joel 2:20-29 tito ni Lubanga oryemo bonyo magi woko dok ocikke me culo pi jami ma bonyo obalo. I nge meno, Lubanga oonyo cwiny mere maleng. Jami magi ocobbe i kare ma lumony me Babilon gumonyo lobo me Icrael ki dok i ngeye bene. Niyabo 9:1-11 poro jo ma kiwirogi i karewa-ni ki bonyo pien gitito kwena me ngolo kop pa Lubanga i kom lobo-ni ki tekcwiny, dok man weko jo ma gicwako loc me lobo giwinyo marac.​—w20.04, pot 3-6.

Anga ma obedo kabaka ma tung kumalo i kare-ni?

Russia ki lobe ma gicwake. Gin gumonyo jo pa Lubanga, guketo kigeng i kom ticwa me tito kwena dok gunyuto ni gidag Lucaden. Kabaka ma tung kumalo tye ka pyem ki kabaka ma tung kupiny.​—w20.05, pot 13.

Tika kit abongwen ma kiryeyogi i Jo Galatia 5:22, 23 gin keken aye gubedo “nyig ma nyak pi cwiny maleng”?

Pe. Cwiny maleng konyowa me nyako kit mukene mabeco bene, calo kit matir. (Ep. 5:8, 9)​—w20.06, pot 17.

Gin ango ma oweko pe ber me keto cal ki lok i komi ata i kabedo me nywako lok i Intanet?

Jami ma in iketo-ni twero nyuto ni in itye ka wakke, dok pe imwol.​—w20.07, pot 6-7.

Ngo ma lutit kwena gitwero pwonyo ki bot lumak rec ma ludiro?

Gitiyo i cawa ki kabedo ma gitwero nongo iye rec. Ginongo pwonye i kom kit me tic ki jami ticgi. Dok gitiyo ki tekcwiny kadi bed pinye pe tye maber. Watwero timo kit meno i ticwa me pwony bene.​—w20.09, pot 5.

Yo mapatpat ango ma watwero tic kwede me konyo lutino kwanwa me Baibul me dongo margi pi Jehovah?

Waromo cuko cwinygi me kwano Baibul nino ducu ki me lwodo jami ma gikwano. Dok watwero pwonyogi kit me lega.​—w20.11, pot 4.

Angagi ma gitye i kin ‘jo ducu ma gibimiyogi kwo i Kricito’?​—1 Kor. 15:22.

Lakwena Paulo onongo pe tye ka waco ni kibicero dano ducu ma guto. En onongo tye ka lok i kom Lukricitayo ma kiwirogi, nyo “jo ma gilonyo gudoko maleng i Kricito Yecu.” (1 Kor. 1:2; 15:18)​—w20.12, pot 5-6.

Ngo ma jo ma kiwirogi gibitimone ka kilokogi i “kare manok mo keken, macalo wang ma neno piny litubetube, ka buriji me agikki dong bikok”?​—1 Kor. 15:51-53.

Gibinywako kacel ki Kricito i loyo rok ducu ki odoo nyonyo. (Yabo 2:26, 27)​—w20.12, pot 12-13.