WI LUBELE—ME AKWANA I KACOKKE Novemba 2019
Magajin man tye ki pwony me anyama i Decemba 30, 2019–Febuari 2, 2020.
Dong Lirem Matek ma Peya Agikki Obino
Watwero nongo pwony ki i gin mutimme i kom Jeremia, ma lureme gukonye me bwot i kare ma onongo kicok jwero Jerucalem.
Kit ma Cwiny Maleng Konyowa Kwede
Cwiny maleng pa Lubanga twero konyowa me ciro can. Ento wek wanongo kony ducu ma wamito ki bot cwiny maleng, tye jami angwen ma omyero watim.
Tika Itye ka Gwoko ‘Niyeni ma Tye Calo Kwot Malac-ci’?
Niyewa tiyo calo kwot me gwokowa. Gin ango ma watwero timone wek kwotwa me niye obed matek?
Pwony ma Watwero Nongo ki i Buk pa Lulevi
Buk pa Lulevi tye ki cik ma Jehovah omiyo but Luicrael macon. Macalo Lukricitayo, wan pe watye i te cik magi, ento pud watwero nongo adwogi maber ki iye.
‘Cob Tic ma Icako’
Kadi bed ni wamoko tam maber, pud twero bedo tek botwa me cobo tam meno. Nen kong tam mogo ma itwero lubone wek okonyi me cobo tic ma icako.
Tika Onongo Ingeyo?
Tic ango ma onongo lagwok ot timo i kare me Baibul?
