Lunywal gitye ki tic matek me pwonyo lutinogi lok i kom Jehovah. (Ep. 6:4) Me konyo lunywal, dul pa Jehovah oyubo pwony, vidio, kacel ki wer mapol. Itwero tic kwedgi nining me pwonyo lutinoni?

• Cit i jw.org. JW.ORG tye ki jami ducu ma kiyubo pi lutino, calo vidio ki pot karatac mogo ma gitwero coc nyo goyo cal iye. a Me nongo jami magi, co ni “Lutino” nyo “Bulu” i bok me yenyo lok.

• Yer gin ma rwatte pi latinni. I te bute ma kicoyo ni “Lutino,” itwero yero vidio, wer, kacel ki pot karatac ma itamo ni bikonyo latinni. Me nongo jami magi, yeny i te “Gin Atima Mapatpat.”

• Kwany kare me nyamo jami magi ki lutinoni. Gwokke ki tic ki vidio nyo pot karatac ma irudo-ni mere me bodo wi latinni. Me ka meno, nyamgi kacel ki latinni dok ikonye me dongo watte ki Jehovah.