“Ker Meri Obin”—Lega ma Dano Milion Mapol Gilego
Tika dong ilego pi Ker pa Lubanga wek obin? Pi cencwari mapol, dano milion mapol gunwoyo nyig lok man ni “Ker meri obin.” Pingo ginwoyo nyig lok magi? Pien Yecu ociko lulub kore me lega pi Ker pa Lubanga.
I acakkine, lulub kor Yecu pe guniang jami ducu ma en owaco madok i kom Ker meno. I kare mo gupenye ni: “Rwot, i kare man en aye ibidwoko iye ker bot jo Icrael bo?” Nen calo gubedo ki ur madit adada i kare ma Yecu pe ominigi lagam atir atir. (Tic pa Lukwena 1:6, 7) Tika man tyen lokke ni pe waromo niang gin ma Ker pa Lubanga obedo kacel ki awene ma bibino iye? Pe tye kit meno!
Magajin man me Wi Lubele bikonyi me nongo lagam pi lapeny magi:
Pingo wamito Ker pa Lubanga?
Anga ma obedo Kabaka me Ker pa Lubanga?
Awene ma Ker pa Lubanga biloyo lobo?
Ngo ma Ker pa Lubanga bitimone?
Mok tammi me cwako Ker pa Lubanga kombeddi!
Ker pa Lubanga obedo gin ango?
Itwero Bedo ki Miti i kom Lok Man
WI LUBELE
Ker pa Lubanga Obedo Gin Ango dok Pingo Omyero Waleg ni Obin?
Ker-ri bitimo gin ango ma gamente pa dano pe twero timone
PWONY MA PIGI TEGO ME BAIBUL
Ker pa Lubanga Obedo Gin Ango?
I kare me tic me pwony pa Yecu, en opwonyo lok i kom Ker pa Lubanga makato lok mo keken. Pi mwaki mapol, lulub kore gulego pi Ker meno wek obin.
