To gudo wan ducu. Ento to mono aye dong agikki me jami ducu? Tika wic biwil woko i kom jo muto pi naka? Gen mo tika dok tye pi jo muto?

WIC PE OWIL WOKO I KOM JO MUTO

“Jo ducu ma tye i lyel . . . gibikatti woko.”​—Jon 5:28, 29.

Wi Lubanga po i kom jo muto; jo ma wiye po i komgi gibikwo doki.

NICER BIBEDO TYE I LOBO KANY

“Dano gibicer woko, jo ma kitgi atir wa ki jo ma kitgi pe atir.”​—Tic pa Lukwena 24:15.

Dano bilion mapol kibicerogi ci gibedo ki gen me kwo pi naka i lobo ma opong ki kuc.

WATWERO YE GEN ME NICER

“[Lubanga] omoko wel lakalatwe woko ducu, ocako nyinggi woko ducu liweng.”​—Jabuli 147:4.

Kit macalo Lubanga twero lwongo lakalatwe ducu ki nyinggi, wiye twero po oyotoyot i kom jo ma en mito cerogi.