“Man En Kwo Ma Pe Tum”
“Man En Kwo Ma Pe Tum”
“Man en kwo ma pe tum, ni ginge in Lubanga acel me ada, ki Yecu Kricito ma yam ioro.”—JON 17:3.
NGEC twero laro kwo pa dano. I kare ma two omako latin mo ma nyinge Nouhou, ma tye ki dwe apar keken-ni, minne ma tye dakta i lobo Niger dok neno lok kom lengo i kin paco-ni onongo ngeyo gin ma myero etim. En orubo pii maleng, kado kacel ki cukari wek odwok pii i kom latinne. Ma lubbe ki lok pa UNICEF, gin ma mego-ni “otimo oyotoyot me miyo kony me yotkom-mi, oweko two pa latinne pe ori.”
Ngec me Baibul bene twero gwoko kwo pa dano. Moses ma obedo lacoc mukwongo me Baibul-li owaco ni: “Lok magi pe lok ma tere pe; gin aye kwowu kikome. Pi gwoko cik magi miyo wubiri pi kare malac.” (Nwoyo Cik 32:47) Tika Baibul twero wek olo warii pi kare malac? Man mono twero gwoko kwowa nining?
Pwony abic magi ma gulubbe aluba-ni gutyeko nyuto ni Baibul tye buk mo ma lapore pe, pien tye ki lok ma gene pa lunebi, lok me tekwaro, cayan, lok ma iye girwatte, ki dong tira ma gitiyo wa i kare-ni. Man nyuto ni Baibul dok pat ki bukke mukene-ni. Pi meno, ka Baibul wacciwa ni watwero nongo kwo ma pe tum i lobo—mono pe opore ni myero kong wangi iye i yo matut?
Wacuko cwinyi me pwonyo kit ma ngec matir me Baibul twero miyo ibedo ma wi opye mot i kare-ni ki dong yomcwiny i kare me anyim. Lucaden pa Jehovah cwinygi bibedo yom me nyutti kit ma myero inong kwede ngec ma kit meno.
[Bok/Cal ma tye i pot karatac 9]
Baibul bene dok pat pien en keken aye miniwa lagam ma yengowa pi lapeny ma pigi tego ma wapenye kwede:
• Pingo wan watye kany?
• Pingo peko onya mapol ata kuman?
• Tika tye gen mo pi danona me amara muto?
Itwero nongo lagam ma Baibul miyo pi lapeny magi ki i buk man, ma Lucaden pa Jehovah aye gucoyo. BAIBUL MONO Ada PWONYO GIN ANGO?
