Lubanga aye pe ocweyo Larac-ci. Ma ka meno, Lubanga ocweyo lamalaika ma lacen olokke odoko Larac-ci, ma en aye Catan. Yecu owaco ni Larac-ci i acakkine onongo loko lok ada dok pe ki bal mo keken. Con kono, Larac-ci onongo tye lamalaika ma kite atir, wod pa Lubanga.​—Kwan Jon 8:44.

Lamalaika ma odoko Larac-ci oyero me jemo i kom Lubanga ki dok obwolo Adam gin ki Kawa me lubo tamme-ni. En odoko Catan ma te lokke ni “Lajemo.”​—Kwan Acakki 3:1-5; Niyabo 12:9.

Calo cwec mukene ma giryek ma Lubanga oketo, lamalaika ma olokke odoko Larac-ci onongo tye agonya me yero gin maber nyo marac, ento en odongo miti ni myero kiwore. Mitine me nongo woro-ni onongo tek kato mitine me yomo cwiny Lubanga.​—Kwan Matayo 4:8, 9; Yakobo 1:13, 14.

Larac-ci pud tye ka medde ki doro dano nining? Tika myero i lwore? Itwero nongo lagam pi lapeny magi ki i Baibul.