Wer 138
Jehovah En Nyingi
-
Lubanga me ada—
En Lacwe jami ducu
Bot yalwak ki yalwak duc—
Jehovah en nyingi.
Watye ki awaka
Me bedo kacokkeni.
I kaka ki rok ducu,
Watito deyoni.
(CHORUS)
Jehovah, Jehovah,
Rwot mo calo in pe.
Mukene pe tye i polo
Nyo piny i lobo kany.
In keni aye Won Twer Duc,
Jo duc myero gunge.
Jehovah, Jehovah,
Lubanga mo mapat pe tye.
-
Imiyo wadoko
Jo ma in imitogi,
Wek wan watim mitini—
Jehovah en nyingi.
Watye Lucadenni
Man nying ma imiyowa.
Iketowa me bedo—
Jo ma cung pi nyingi.
(CHORUS)
Jehovah, Jehovah,
Rwot mo calo in pe.
Mukene pe tye i polo
Nyo piny i lobo kany.
In keni aye Won Twer Duc,
Jo duc myero gunge.
Jehovah, Jehovah,
Lubanga mo mapat pe tye.
(Nen bene 2 Tekwaro 6:14; Jab. 72:19; Ic. 42:8.)
