WER 111
Gin Mumiyo Cwinywa Yom
-
1. Yomcwinywa tye pi tyen lok mapol,
Calo lonyo ma welle dit.
Dano mabeco me lobo man
Dong gitye ka ribbe kwedwa.
Yomcwinywa cung i guti matek,
Pien a i Lok pa Lubanga.
Wapwonyo lokke nino ducu;
Niye dongo pi winyo lok.
Yomcwiny man a ki ka mukane,
Calo mac lyel i cwinywa.
Kadi bed can ki auna tye,
Jehovah miniwa kero.
(CHORUS)
Jehovah aye yomcwinywa,
Tic cinge keliwa yom ic.
Tamme tut tutwal, ticce duc beco,
Berre ki tekone tye pol!
-
2. Waneno cwecce ki twon yomcwiny,
Polo, ki nam, ki dong lobo.
Ka wangiyo lok i kom cwecce,
Ci wapwoye pi tic cinge.
Dong watito lok man ki tekcwiny,
Kwena me Ker pa Lubanga.
Lok i kom locce ki dong motte,
Watito pire ki yom ic.
Kwo me yomcwiny pi naka dong cok,
Calo dyeceng ma lubo wor.
Lobo manyen ki polo manyen
Bikelo yomcwiny pi naka.
(CHORUS)
Jehovah aye yomcwinywa,
Tic cinge keliwa yom ic.
Tamme tut tutwal, ticce duc beco,
Berre ki tekone tye pol!
(Nen bene Nwo. 16:15; Ic. 12:6; Jon 15:11.)
