Lacaden pa Jehovah a acel acel aye pol kare dyere me miyo mic mua ki i cwinye me teno kor tic me pwony ma tye i twok loboni ducu. Watye ki canduk me bolo mot i kabedo me cokkewa ducu, kacel ki yo mukene ma kiryeyogi i pej me miyo mot i Intanet. Tye yo mapat pat ma ngati mo twero yero me miyo motte me cwako ticwa ma i twok lobo ducu, tic me jang gang kal moni, nyo pi jami aryo magi kacel.

 Lucaden pa Jehovah pe gimiyo acel i kom apar me mucaragi nyo wel cente mo ma kimoko me mot macalo cik. (2 Jo Korint 9:7) Wan pe wapenyo pi ajog nyo rayo cente me nywako i cokkewa, me batija, yik, nyom, nyo yub mo keken ma kwako kacokke. Pe bene warayo cente ki i yub calo okcon, baja, tuko luguma, nyo mo mukene, dok pe warayo cente ki bot dano me teno kor ticwa. Ka ngat mo omiyo cente me cwako ticwa, pe kituco nyinge ka maleng matwal. (Matayo 6:2-4) Kabedowa me intanet ki bukkewa gipe ki yub me nongo cente ki i keto ngec i kom biacara mapatpat.

 Kacokke ducu pa Lucaden pa Jehovah gimiyo ripot i kom wel cente ma kijogo dwe ki dwe i cokkewa ma bedo pi lwak ducu. Kare ki kare kingiyo rekod ma nyuto lok pa lim mudonyo ki mukato woko me kacokke acel acel, me neno ni kitye katic ki cente maber.—2 Jo Korint 8:20, 21.

•   Canduk me ajog: Waromo keto ajog me cente nyo check i canduk me ajog ma kiketogi i Ot me Ker, Ot me Gurewa, nyo ka mo keken ka ma wabedo ki cokkewa.

•   Miyo mot i intanet: I lobo mapol, waromo tic ki pej me “Miyo Mot bot Lucaden pa Jehovah” me miyo ajog kun watiyo ki kad me beng, beng, nyo tet me kompiuta mapatpat. b Lucaden pa Jehovah mukene ‘gipoko limgi mogo giketo pat’ dwe ki dwe ci giketo yub me miyo ajog ki iye kun gitiyo ki yo ma kimiyo kany.1 Jo Korint 16:2.

•   Keto yub me miyo mot: Yubbe con ki tam pa lapilida mitte me yero kit me miyo mot mogo. Yubo pulan ma kit meno twero konyi me limo kony ma gamente miyo pi lwak me dwoko piny wel cul mucorogi. Jo mapol dong gunongo ber pa ngec i kom mot ma giromo miyone ma pud gikwo nyo ma kibimiyone i nge togi. Tim ber inong kony ki i jang gang kal pa Lucaden pa Jehovah me lobowu ka imito miyo mot ma kwako:

  •   beng

  •   incuareny ki pulan me juko tic

  •   Ngom ki odi

  •   stocks and bonds

  •   Wil

 Pi ngec mukene ma kwako yo mapatpat me miyo mot i kabedowu nen pej me “Miyo mot bot Lucaden pa Jehovah.”