Ka ngat moni odoko latit kwena, en ye ni dul dini pa Lucaden pa Jehovah ma i twok lobo ducu (“Lucaden pa Jehovah”)—ma man kwako wa kacokke pa Lucaden pa Jehovah ma en tye iye, jang gang kal, ki dong dul mukene ma Lucaden pa Jehovah gitiyo kwede—oti ki ngec madok i kome ma lubbe ki mitigi macalo dini ma kicoyo i te cik. Lutit kwena gimiyo ngec madok i komgi labongo dic mo bot kacokke ma gitye iye kit macalo kitito kwede i buk ma wiye tye ni Organized to Do Jehovah’s Will wek gunywak i tic me dini ma lubbe ki worogi dok gunong kony i yo me cwiny.—1 Petero 5:2.

Ngec madok i ngat moni kwako nying ngat meno, nino me nywalle, ka obedo laco nyo dako, nino me batijane, kit me kubbe kwede, ngec madok i kom watte ki Lubanga, ticce me pwony, tic mo keken ma en tye kwede i kin Lucaden pa Jehovah, nyo ngec mo keken ma lutit kwena gimiyo ka gitye ka nywako i tic mukene me dini. Ngec man kwako lok madok i kom niye pa latit kwena meno ki bene twero kwako ngec mukene ma pire tek madok i kome. Me tic ki ngec madok i kom dano, twero mitte ni kigam, kigur kacel, kiyub, kigwok ngec meno, dok kitim jami mukene marom aroma ma lubbe ki ngec meno.

Cik Madok i kom Gwoko Ngec i kom Dano (Data Protection Law) i lobo man tye kuman:

The Data Protection and Privacy Act, 2019.

I te Cik Madok i kom Gwoko Ngec i kom Dano, Lucaden pa Jehovah gitiyo ki ngec madok i kom lutit kwena ma lubbe ki worogi, kit ma kiryeyo kwede piny kany:

• gwoko ki dong doro dini pa Lucaden pa Jehovah

• nywako i cokke pa Lucaden pa Jehovah ki tic mo keken ma jo ma gudyere gitimo

• yero me nywako i cokke, gure me adwol, nyo gure madit ma kimako i vidio ci kinyuto me pwonyo Lucaden pa Jehovah i twok lobo lung

• tiyo tic mo keken i kacokke

• gwoko kad ma wiye tye ni Rekod me Tic pa Lutit Kwena (Congregation’s Publisher Record)

• limo me kwat ki dong kony ma luelda pa Lucaden pa Jehovah gimiyo (Tic pa Lukwena 20:28; Yakobo 5:14, 15)

• gwoko rekod pa jo ma kiromo kubbe kwedgi ka peko mo opoto atura

Ngec madok i kom dano kibigwokone pi tyen lok ma kiryeyo malo keken nyo ka cik waco ni omyero kigwok. Ka ce latit kwena mo okwero miyo ngec madok i kome nyo okwero woko ni pe kiti ki ngec ma en omiyo, nyo okwero keto cinge i fom ma wiye tye ni Notice and Consent for Use of Personal Data, ci Lucaden pa Jehovah pe gibibedo ki kero me niang ka latit kwena meno twero cobo tic mogo i kacokke, nyo ka en twero nywako i yub mogo me worogi.

Lucaden pa Jehovah gitiyo i wi lobo ducu. Pi meno, ngec madok i kom lutit kwena kiromo cwalone, nyo gwokone i lobo mukene mapat ki ka ma latit kwena meno bedo iye. Man bene kwako lobe ma gitye ki cik i rwom mapat pat madok i kom gwoko ngec i kom dano, ma i kare mukene nongo pat ki cik ma tye i lobo ma kicwalo ngec meno ki iye. Lucaden pa Jehovah gitute matek me gwoko ngec mo keken ma kicwalo. Me timo meno, bene romo mitte ni kiket cing i winnye me cwalo ngec meno woko. Jo ducu ma gunongo ngec meno ma gitye Lucaden pa Jehovah gitiyo ki ngec madok i kom lutit kwena ma lubbe ki Cik Madok i kom Gwoko Ngec i kom Lucaden pa Jehovah i Twok Lobo Lung (Global Data Protection Policy of Jehovah’s Witnesses.)

Lutit kwena gitye ki twero me neno ngec ma gumiyo madok i komgi, penyo wek kikwany woko, juko wek pe kiti kwede, ki dong me yubo gin mo ma pe tye kakare ma lubbe ki ngec ma gumiyo i komgi bot Lucaden pa Jehovah. Ka lutit kwena gumiyo twero ni kiti ki ngec madok i komgi, giromo kwanyo twero meno wek pe kiti ki ngec meno i kare mukene i anyim. Ka latit kwena mo okwero ni pe kiti ki ngec madok i kome nyo ka latit kwena openyo ni ngec ma emiyo myero kiruc woko nyo pe kiti kwede, ci Lucaden pa Jehovah guromo medde ki tic ki ngec meno ma lubbe ki cik pi cobo ticgi macalo dini nyo pi tyen lok mukene ma rwatte ki Cik Madok i kom Gwoko Ngec i kom Dano. Lutit kwena gingeyo ni gitye agonya me cwalo kokogi bot dul pa gamente ma neno lok me gwoko ngec i kom dano i lobo ma gibedo iye.

Lucaden pa Jehovah guketo yub mogo ma lubbe ki Cik Madok i kom Gwoko Ngec i kom Dano wek gigwok ngec meno maber. Lutit kwena giniang ni jo manok keken ma kiminigi twero aye bineno ngec madok i komgi pi tyen lok ma kiryeyo malo-ni.

Ka itye ki lapeny mo ma imito penyo ki ngat ma neno wi tic me gwoko ngec i kom dano, ci iromo cwalone macalo email i adrec man:

DataProtectionOfficer.UG@jw.org

Lutit kwena giniang ni giromo nongo ngec madok i kom ngat ma neno lok me gwoko ngec i lobogi, ki dong kit me kubbe kwede, i pej me jw.org ma wiye tye ni Data Protection Contacts.

Twero bedo ni kit ma Lucaden pa Jehovah gigwoko kwede ngec bibedo ka lokke kare ki kare pi alokaloka ma kitimo i worogi, i cik, nyo diro me tet. Ka teke mitte ni kilok pej man ma wiye tye ni Tic ki Ngec Madok i kom Dano, ci alokaloka magi kibiketone i pej man wek lutit kwena kare ducu gubed ma gingeyo ngec mene ma kigwoko ki kit ma kitiyo kwede ki ngec meno. Bed ka roto pej man kare ki kare me niang alokaloka ma kitimo iye.