Ku. Baibul nyuto ni omyero waleg bot Lubanga keken, i nying Yecu. Yecu owaco bot lulub kore ni: “Dong wuleg kit man ni, Wonwa ma tye i polo, giwor nyingi maleng.” (Matayo 6:9) En pe owaco bot lulub kore ni guleg bot jo maleng, lumalaika, nyo ngat mo keken mapat ki Lubanga.

 Yecu owaco bot lulub kore ni: “An a yo, ki ada, ki kwo: pe tye ngat mo ma bino bot Won, kono ki i an keken.” (Jon 14:6) Lubanga omiyo twero bot Yecu keken me bako doge piwa.—Jo Ibru 7:25.

Ket kong ni alego bot Lubanga, ci bene alego bot jo maleng kono?

 I kin Cik Apar-ri, Lubanga owaco ni: “An aye a Rwot Lubangani, an Lubanga ma lanyeko.” (Nia 20:5) I yo ma nining ma Lubanga “lanyeko”? Lok ma kicoyo i tere piny i New American Bible waco ni en “mito ni kiwor en keken.” Lubanga ociko ni worowa ducu—ma i kine tye iye lega—omyero kimi bote keken.—Icaya 48:11.

 Ka walego bot ngat mukene, kadi wa jo maleng nyo lumalaika, ci wacwero cwiny Lubanga. I kare ma lakwena Jon otemme me miyo woro bot lamalaika, lamalaika meno ojuke kun wacci: “Pe myero itim kit meno! An latic wadiwu, dok arom ki utmegini ma gumako lok me caden ma Yecu omiyo botgi-ni. Wor Lubanga.”—Niyabo 19:10.