KʼUTUBʼAL 4
¿Saʼ xkiriqo ruma xkita utziij ri Satanás?
Adán y Eva xkita ta utziij ri Dios y xekamik (Génesis 3:6, 23)
Eva xuʼan ri xubʼij ri kumatz che y ruma laʼ xutij ruwach ri cheeʼ. Tekʼuriʼ xuya che ri Adán y xutijo.
Ri xkiʼano na utz taj, xkiʼan jun maak. Ruma laʼ ri Dios xeresaj bʼi chwach ri jun chomalaj uwachulew.
Ri kikʼaslemaal ri ke y ri kalkʼoʼaal xuʼan kʼax. Ruma laʼ xebʼuʼan nimaq winaq y xekamik. Na xebʼek ta chikaaj, xa xsach kiwach.
Ri kaminaq jinta chi kakiʼano, kebʼuʼan uleew (Génesis 3:19)
Qonoje oj ralkʼoʼaal ri Adán y Eva. Ruma laʼ kojkamik. Ri e kaminaq na ketzun ta chik, ketan ta chik y jinta chi kakiʼano (Eclesiastés 9:5, 10).
Jehová na karaj taj ri winaq kekamik. Ruma laʼ ri re kebʼuwalisaj loq ri kaminaq. We kakita utziij, na kekam ta chik y kakʼojiʼ jun kikʼaslemaal jinta ukʼisik.
