«Dios kusuʼ ruwaʼal kiwach konoje rike. Chwi kʼu woʼora na jinta chi kamik, na jinta chi oqʼej, na jinta chi kejuyuyik y na jinta chi kʼaxkʼobʼik; ma ronoje taq ri kʼo lo ojertan, ya xikʼowik.» (Apocalipsis [Revelación] 21:4, El Nuevo Testamento en Rabinal Achí.)

Kakʼojiʼ qachaak utz ruukʼ kiʼkotemal (Isaías 65:21-23).

Jinta chi kʼax y jinta chi yabʼiil (Isaías 25:8; 33:24).

Kaqariq qakʼaslemaal jinta ukʼisik ruukʼ kiʼkotemal kuukʼ ri qafamilia y qachbʼiʼiil (Salmo 37:11, 29).

Utz. Qilaʼ kebʼ kʼutubʼal:

• Dios kʼo uchuqʼaabʼ re kuʼan ronoje ri kubʼij. Ri Biblia kubʼij ke ri Dios kʼo unimal uchuqʼaabʼ (Apocalipsis [Revelación] 15:3). Ruma laʼ, jinta kʼayew chwach ri re (o jinta kʼax chwach ri re) kuʼan choom che ri Uwachulew pachaʼ ri kubʼij chaqe (Mateo 19:26).

• Dios lik karaj kuʼano ri kubʼij chaqe. Jun kʼutubʼal: ri Biblia kubʼij ke ri Jehová karaj kebʼuwalisaj loq ri e kaminaq (Job 14:14, 15).

  Jesús xebʼukunaj yawaaʼ. ¿Suʼchak xuʼan wa? Xalax lo pa ranimaʼ (Marcos 1:40, 41). Pachaʼ ri Utaat, ri Jesús xraj xebʼutoʼo ri e kʼo pa kʼax (Juan 14:9).

  Ruukʼ ronoje wa, kaqetamaj ke ri Jehová y ri ukʼajol kakaj kaqariq kiʼkotemal chiqawach panoq (Salmo 72:12-14; 145:16; 2 Pedro 3:9).