«Kewalij chik i kamnaq.» (Hechos 24:15, I ʼUtz laj Tzij re i Dios, Wycliffe Bible Translators, kʼaakʼ tzʼiibʼ.)

Kukubʼsaj qakʼux we kakam jun qachbʼiʼiil o qafamiliar (2 Corintios 1:3, 4).

Na kaqaxiʼij ta chi más qiibʼ che ri kamik (Hebreos 2:15).

Qetaʼam kaqil tan chik kiwach ri e kaminaq (Juan 5:28, 29).

Utz. Qilaʼ oxibʼ kʼutubʼal:

• Dios xʼanow re ri qakʼaslemaal. Ri Biblia kubʼij ke Jehová kayaʼw ri qakʼaslemaal (Salmo 36:9; Hechos 17:24, 25). Ruma laʼ, qetaʼam ri re kʼo uchuqʼaabʼ kebʼuwalisaj loq ri e kaminaq.

• Ojeer ri Dios xebʼuyak loq ri e kaminaq. Ri Biblia kubʼij ojeer ri Dios xebʼuwalisaj loq 8 winaq re kekʼojiʼ wara chwach Uleew —alabʼoo, alitoo, ixoqiibʼ y achijaabʼ. Jujuun chike kʼaakʼ e kaminaq, pero kʼo jun achi rukʼam 4 qʼiij kaminaq chik (Juan 11:39-44).

• Ri Dios ruukʼ ronoje ranimaʼ karaj kuya tan chik kikʼaslemaal ri e kaminaq. Jehová tzel karil ri kamik (1 Corintios 15:26). Ri re lik karaj kusachisaj uwach ri kamik y kebʼuwalisaj loq ri e kaminaq. Lik karaj ri e kʼo pa ranimaʼ kekʼojiʼ tan chik wara chwach Uleew (Job 14:14, 15).