JW LIBRARY
Ngɔɔ Bookmark ɔ Kɛ Tsu Ní—Android
O ma nyɛ maa ngɔ bookmark okadi nɛ ngɛ JW Library ɔ nɔ ɔ kɛ kadi he nɛ o kane womi ko kɛ ya su. Womi fɛɛ womi nɛ ngɛ JW Library ɔ nɔ ɔ ngɛ bookmark nyɔngma nɛ o ma nyɛ kɛ ma tsu ní.
Moo nyɛɛ blɔ tsɔɔmi nɛ ɔmɛ a se konɛ o ngɔ bookmark ɔ kɛ tsu ní:
Set a New Bookmark
O ma nyɛ maa ngɔ bookmarks okadi ɔmɛ kɛ kadi munyu ko loo ngmami pɔtɛɛ ko.
Ke o suɔ nɛ o kadi munyu ko loo ngmami ko ɔ, moo nyɛ Bookmark okadi ɔ nɔ. Ke o nyɛ nɔ ɔ, o maa na Bookmarks slɔɔtohi nɛ o ma nyɛ kɛ ma tsu ní. Moo nyɛ eko nɔ nɛ o kɛ kadi he nɛ o ngɛ kanee ɔ.
Ke o ngɛ hlae nɛ okadi munyu ko loo ngmami ko ɔ, moo nyɛ he nɛ o suɔ nɛ okadi ɔ nɔ; nɛ o nyɛ Bookmark okadi nɛ maa ba a nɔ
Go to a Bookmark
Ke o ngɛ hlae nɛ o na nɔ́ ko nɛ o kadi ngɛ womi ko mi momo ɔ, mo bli jamɛ a womi ɔ; nyɛ Bookmark okadi ɔ nɔ. Konɛ o nyɛ nɔ́ nɛ o ngɛ hlae ɔ nɔ.
Manage Your Bookmarks
O ma nyɛ ma je nɔ́ ko nɛ o kadi momo kɛ je o klama a nɔ.
Ke o suɔ nɛ o pee jã a, moo nyɛ Bookmark okadi ɔ nɔ; nɛ o nyɛ More okadi ɔ nɔ ngɛ nɔ́ nɛ o suɔ nɛ o je ɔ he. Konɛ o nyɛ Delete.
O ma nyɛ ma kadi nɔ́ ko kɛ to e kpa nane mi. Ke o suɔ nɛ o pee jã a, moo nyɛ Bookmark okadi ɔ nɔ; nɛ o nyɛ More okadi ɔ nɔ ngɛ nɔ́ nɛ o suɔ nɛ o tsake ɔ he. Konɛ o nyɛ Replace. Kɛkɛ ehe ɔ ma ba da momo ɔ nane mi. Enɛ ɔ maa ye bua mo nɛ o kadi níhi fuu ngɛ womi nɛ o ngɛ kanee ɔ mi. O ma nyɛ kɛ tsu ní ke o ngɛ Baiblo ɔ kanee.
A ngɔ tsakemi nɛ ɔmɛ kɛ wo JW Library 1.2 blɔ nɔ tomi ɔ nɔ ngɛ May 2014 kɛ ha Android klamahi. JW Library 1.2 ɔ tsuɔ ní ngɛ Android 2.3 loo nɔ́ nɛ pe jã a nɔ. Ke o nɛ tsakemi nɛ ɔmɛ ngɛ o klama a nɔ ɔ, moo ya “Ngɔɔ JW Library ɔ Kɛ Tsu Ní—Android” blɔ he ɔ nɛ o hyɛ blɔ tsɔɔmi nɛ ngɛ fã nɛ ji Get the Latest Features ɔ.
