JW LIBRARY
Ngɔɔ Kɔla Kɛ Kadi Níhi—Android
Ke o ngɛ womi ko kanee loo o ngɛ nɔ́ ko kasee ngɛ JW Library ɔ nɔ ɔ, o ma nyɛ maa ngɔ kɔla kɛ kadi munyunguhi aloo munyuzahi.
Moo nyɛɛ blɔ tsɔɔmi nɛ ɔmɛ a se konɛ o nyɛ nɛ o ngɔ kɔla kɛ kadi nɔ́ ko.
Blɔ Nɔ Nɛ O Maa Gu Konɛ O Kɛ Kɔla Nɛ Kadi Nɔ́ Ko
O ma nyɛ maa gu blɔhi enyɔ nɔ kɛ pee jã.
O kɛ o nine nɛ pi munyungu nɛ o suɔ nɛ o kadi ɔ nɔ bɔɔ. Ke o pee jã a, munyungu nɛ o nyɛ nɔ ɔ kɔla ma tsake. O ma nyɛ maa gbla kɔla a mi kɛ hla munyungu kpahi loo munyuza nɛ o suɔ nɛ o kadi ɔ. Lɔ ɔ se ɔ, o maa na kɔla okadi nɛ ɔ ngɛ o klama a nɔ. Moo nyɛ kɔla okadi ɔ nɔ konɛ o hla kɔla nɛ o suɔ nɛ o kɛ tsu ní.
O ma nyɛ maa ngɔ o nine kɛ pi munyungu ko nɔ bɔɔ, nɛ o sã o nine si. Ke o ngɛ o nine si sae ngɛ munyunguhi nɛ o suɔ nɛ o kadi ɔ nɔ ɔ, kɔla nɛ o sɛ hlami kɛ tsu ní ɔ ma kadi mɛ. Lɔ ɔ se ɔ, o maa na kɔla okadi nɛ ɔ ngɛ o klama a nɔ. Okadi nɛ ɔ maa hi si be kpiti ko pɛ. O ma nyɛ nɛ o kɛ tsake kɔla nɛ o kɛ tsu ní momo ɔ, loo o kɛ je kɔla nɛ o kɛ tsu ní momo ɔ.
Blɔ Nɔ Nɛ O Maa Gu Kɛ Tsake Kɔla Nɛ O Kɛ Kadi Nɔ́ ɔ
Ke o suɔ nɛ o tsake kɔla ko nɛ o kɛ tsu ní momo ɔ, moo nyɛ munyu nɛ o kadi ɔ nɔ, nɛ o hla kɔla nɛ o suɔ. Ke o suɔ nɛ o je kɔla nɛ o kɛ tsu ní momo ɔ, moo nyɛ munyu nɛ o kadi momo ɔ nɔ, konɛ o nyɛ Delete okadi ɔ nɔ.
A ngɔ tsakemi nɛ ɔmɛ kɛ wo JW Library 1.6 blɔ nɔ tomi ɔ nɔ ngɛ November 2015 kɛ ha Android klamahi. JW Library 1.6 ɔ tsuɔ ní ngɛ Android 4.0 loo nɔ́ nɛ pe jã a nɔ. Ke o nɛ tsakemi nɛ ɔ ngɛ o klama a nɔ ɔ, moo ya “Ngɔɔ JW Library ɔ Kɛ Tsu Ní—Android” blɔ he ɔ, nɛ o hyɛ blɔ tsɔɔmi nɛ ngɛ fã nɛ ji Get the Latest Features ɔ.
