A ngɔ blɔ nɔ tomi komɛ kɛ wo JW Library ɔ nɔ konɛ ní kanemi ko ye ha mo. Ke o ngɛ nɔ́ ko kanee ɔ, o maa na ní nɛ ɔmɛ ngɛ navigation bar a nɔ ngɛ yi nɔ.

Moo nyɛɛ blɔ tsɔɔmi nɛ ɔmɛ a se nɛ o kɛ to níhi nɛ o maa kane ɔmɛ a he blɔ nya:

•  Change Language

•  Change Text Settings

•  View Image or Text

•  Open in . . .

•  Customize Look-up Bibles

Ke o ngɛ munyu ko kanee ɔ, o ma nyɛ ma tsake gbi ɔ kɛ ya gbi kpa mi.

• Moo nyɛ Gbi okadi ɔ nɔ konɛ o kɛ tsake munyu ɔ nɛ o ngɛ kanee ɔ kɛ ya gbi kpa mi. O maa na kaa gbihi nɛ o pɔɔ kɛ ní tsumi ɔ nɛ a sɛ hlami. O maa na Blɛfo gbi Hwɔɔmi Mɔ nɛ mi wɛ ɔ hu ngɛ hiɛ ɔ. O ma nyɛ maa fia gbi ko kɛ wo mi nɛ o hyɛ kaa e ngɛ mi lo.

• A ngɔ okadi nɛ ngɛ kaa bɔku ɔ kɛ to gbihi nɛ o gblɛ lolo ɔ a he so. Moo nyɛ gbi ko nɔ konɛ o gbla womi ɔ. Ke o gbla womi ɔ kɛ fɔ o klama a nɔ ɔ, okadi nɛ ngɛ kaa bɔku ɔ maa laa. Moo nyɛ gbi ɔ nɔ ekohu konɛ o kane womi ɔ.

O ma nyɛ ma tsake ningma amɛ a klemi bɔ nɛ maa da mo.

Okadihi piɛɛ ningma komɛ a he, nɛ ekomɛ hu ningma pɛ. Moo nyɛ okadi nɛ ɔ nɔ nɛ o kɛ hla nɔ́ nɛ o suɔ.

• View Image: Image view okadi ɔ jeɔ ní ɔmɛ kpo kaa bɔ nɛ a ji ngɛ womi ɔ nitsɛ mi. Kaa nɔ hyɛmi nɔ́ ɔ, ni komɛ maa suɔ nɛ a na la a mi okadi ɔmɛ ngɛ la womi ɔ mi pe munyuhi pɛ.

• View Text: Ke munyuhi pɛ ɔ, o ma ná he blɔ kɛ bli ngmamihi nɛ a tsɛ se ɔmɛ, ningma amɛ a klemi maa pee kaa bɔ nɛ o hla kɛ sɛ hlami ɔ.

Open in . . . blɔ nɔ tomi ɔ ma ha mo he blɔ konɛ o hyɛ nɔ́ nɛ o bli ngɛ JW Library ɔ mi ɔ ngɛ blɔ nɔ tomi kpahi a mi.

Ke o nyɛ ngmami ko nɛ a tsɛ se nɔ ɔ, o maa na e mi munyu ɔmɛ. Moo nyɛ Customize okadi ɔ nɔ ngɛ kuku ɔmɛ a sisi konɛ o hla Baiblo sisi tsɔɔmi kpahi nɛ o gbla a eko kɛ piɛɛ he.

Ke o ngɛ hlae nɛ o le bɔ nɛ o maa pee ha kɛ gbla Baiblo sisi tsɔɔmi kpahi ngɛ JW Library ɔ nɔ ɔ, moo hyɛ video nɛ ji, “Gblaa Baiblo Slɔɔtohi Nɛ O Kɛ Tsu Ní​—Android.”