Abɛ 9:1-18
9 Juɛmi nitsɛnitsɛ* ma e we;E ma we ɔ titima kpaago ɔmɛ.
2 E gbe e lohwe ɔ;*E futu e wai ɔ;E to e we okplɔɔ ɔ hulɔ.
3 E tsɔ e mawayi ɔmɛ kɛ je kpoKonɛ a ya da hehi nɛ a ya hiɔwe ngɛ ma a mi ɔ nɛ a kpa ngmlaa ke:
4 “Nɔ fɛɛ nɔ nɛ e be níhi a si kpami ɔ nɛ ba hiɛ ɔ.”
E de nɔ nɛ e be juɛmi* ɔ ke:
5 “Ba nɛ o ba ye ye abolo ɔNɛ́ o nu wai nɛ i futu ɔ eko.
6 Kpa jokuɛwi a ní peepee* nɛ o hi wami mi;Moo nyɛɛ nɔ́ sisi numi blɔ ɔ nɔ kɛ ya o hɛ mi.”
7 Nɔ nɛ tsɔɔ he fɛu yelɔ ní ɔ hɛ mi ma pue si,Nɛ nɔ fɛɛ nɔ nɛ e kãa yiwutsotsɛ hɛ mi ɔ maa ye e he awi.
8 Ko kã he fɛu yelɔ hɛ mi, ke pi jã a, e maa nyɛ mo.
Mo kã ní lelɔ hɛ mi, nɛ e maa suɔ mo.
9 Tsɔɔ ní lelɔ ní, nɛ e maa le ní wawɛɛ.
Tsɔɔ dalɔ ní, nɛ e maa le ní kɛ piɛɛ e nile ɔ he.
10 Yehowa gbeye yemi ji nile sisije,Nɛ Nɔ Klɔuklɔu Pe Kulaa a he nile ji nɔ́ sisi numi.
11 Ma ha nɛ o ligbi ɔmɛ maa hiɛ babauu,Nɛ a kɛ jehahi fuu maa piɛɛ o wami he.
12 Ke o pee ní lelɔ ɔ, mo nitsɛ lɛ o ma ná ní nɛ o le ɔ he se,Se ke o ji he fɛu yelɔ ɔ, mo pɛ lɛ o maa na e mi nɔ́.
13 Yo kuasia nya wa.
E juɛmi sui níhi a he, nɛ e li nɔ́ ko nɔ́ ko fɛɛ.
14 E hiɔ si ngɛ e we ɔ agbo ɔ nyaNgɛ sɛ nɔ ngɛ ma a mi hehi nɛ a ya hiɔwe ɔ,
15 E kpaa ngmlaa kɛ tsɛɔ nihi nɛ a beɔ ɔ,Kɛ tsɛɔ nihi nɛ a nyɛɛɔ a blɔ nɔ kɛ yaa a hɛ mi tɛɛ ɔ ke:
16 “Nɔ fɛɛ nɔ nɛ e be níhi a si kpami ɔ nɛ ba hiɛ ɔ.”
E deɔ nihi nɛ a be juɛmi* ɔ ke:
17 “Nyu nɛ a ju ngɔɔ,Nɛ niye ní nɛ a ye ɔ ngɛ laami mi ɔ ngɔɔ.”
18 Se a li tete kaa nihi nɛ a gbo nɛ he wami ko be a mi ɔ ngɛ lejɛ ɔ,A li kaa e nibwɔ ɔmɛ ngɛ Yɔkɔ* muɔ mi tɔ̃ɔ.
Sisi Ningmahi
^ Nɛ ji juɛmi nɛ je Mawu ngɔ.
^ Aloo “E dla e muɔ lo ɔ saminya.”
^ Ngɛ Hebri gbi mi ɔ, “e be tsui nɛ nuɔ nɔ́ sisi.”
^ Aloo “Moo je nihi nɛ a be níhi a si kpami ɔ a he.”
^ Ngɛ Hebri gbi mi ɔ, “e be tsui nɛ nuɔ nɔ́ sisi.”
^ Ngɛ Hebri gbi mi ɔ, “Sheol.” Hyɛ Munyu Komɛ A Sisi Tsɔɔmi.
