Ester 10:1-3
-
Mordekai ba pee nɔmlɔ ngua (1-3)
10 Matsɛ Ahasuerus ha nɛ nihi nɛ a ngɛ zugba a nɔ, kɛ nihi nɛ a ngɛ zugba kpɔhi nɛ wo bɔle mɛ ɔ a nɔ ɔ tsu ní kpakpataa.
2 Nɛ he wami níhi tsuo, kɛ ní nguanguahi nɛ e pee, kɛ sanehi tsuo nɛ kɔɔ bɔ nɛ matsɛ ɔ wó Mordekai nɔ nɛ́ e ba pee nɔmlɔ ngua a he ɔ, a ngma ngɛ Media kɛ Persia matsɛmɛ ɔmɛ a be ɔ mi yi nɔ sane womi ɔ mi.
3 Matsɛ Ahasuerus pɛ nɛ e nɔ kuɔ pe Mordekai, nɛ ji Yuda no ɔ. E ji nɔmlɔ ngua* ngɛ Yuda bi ɔmɛ a kpɛti, nɛ e nyɛmimɛ ɔmɛ tsuo buɔ lɛ, nɛ e peeɔ níhi nɛ e we bi ɔmɛ ma ná he se, nɛ e hlaa kaa níhi a mi nɛ hi ha* a nina amɛ tsuo.
