La 1:1-6

  • Blɔ kpakpa kɛ blɔ yaya

    • Mawu mlaa a kanemi haa nɛ nɔ bua jɔɔ (2)

    • Dali ngɛ kaa tso nɛ woɔ yiblii (3)

    • Yiwutsotsɛmɛ ngɛ kaa jakati nɛ kɔɔhiɔ muɔɔ kɛ yaa (4)

1  Nɔ nɛ e nyɛɛ we ngɛ yiwutsotsɛmɛ a ga womi nya,Nɛ́ e dɛ si ngɛ yayami peeli a blɔ nɔ,Nɛ́ e hí si ngɛ he fɛu yeli a sihi he ɔ ngɛ bua jɔmi.  2  E bua jɔɔ Yehowa mlaa a he,Nɛ e kaneɔ Mawu mlaa a, nɛ e pueɔ e yi mi tɛ ngɛ he* nyɔ kɛ pia.  3  E maa pee kaa tso nɛ a du ngɛ pahi a tue,Tso nɛ woɔ yiblii ngɛ e be nya,E bahi gbli we. Nɛ nɔ́ fɛɛ nɔ́ nɛ e peeɔ ɔ maa ye manye.  4  Yiwutsotsɛmɛ be jã;A ngɛ kaa jakati* nɛ kɔɔhiɔ muɔɔ kɛ yaa.  5  Lɔ ɔ he je nɛ yiwutsotsɛmɛ be nyɛe maa da kojomi nya a nɛ;Nɛ lɔ ɔ hu he je nɛ yayami peeli be nyɛe maa da si ngɛ he nɛ dali bua a he nya ngɛ ɔ nɛ.  6  Ejakaa Yehowa le níhi nɛ dali peeɔ,Se yiwutsotsɛmɛ kɛ a ní peepee ɔ tsuo be si hie hu.

Sisi Ningmahi

^ Aloo “Nɛ e kɛ gbi blɛuu kaneɔ Mawu mlaa a.”
^ Aloo “tsakati.”
NGMAMI KLƆUKLƆU Ɔ—JE EHE SISI TSƆƆMI
La 1
Dangme
Kane Baiblo ɔ Ngɛ Intanɛti ɔ Nɔ
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt