La 107:1-43
107 Nyɛɛ na Yehowa si, ejakaa e hi;E suɔmi nɛ se pui ɔ ngɛ kɛ yaa neneene.
2 Nihi nɛ Yehowa kpɔ̃ mɛ ɔ nɛ a de jã,Nihi nɛ e kpɔ̃ mɛ ngɛ he nyɛlɔ ɔ dɛ,*
3 Nɛ́ e bua a nya kɛ je zugba amɛ a nɔKɛ je puje he kɛ pusinɔ he,Kɛ je yiti je kɛ woyi je ɔ.
4 A wo lalaalo ngɛ nga a nɔ, ngɛ nga kplanaa a nɔ;A nɛ blɔ ko blɔ ko nɛ a kɛ maa ya ma nɛ a ma nyɛ maa hi mi ɔ mi.
5 Hwɔ ye mɛ, nɛ kuma ye mɛ;Pɔtɔ ha nɛ a* pee gbedee.
6 A ya nɔ nɛ a fo ya kɛ tsɛ Yehowa ngɛ a haomi ɔ mi;E kpɔ̃ mɛ ngɛ a haomi ɔ mi.
7 E ha nɛ a nyɛɛ blɔ nɛ da nɔKɛ ba ma nɛ a ma nyɛ maa hi mi ɔ mi.
8 Nihi nɛ́ a na Yehowa si ngɛ e suɔmi nɛ se pui ɔ he je,Ngɛ nyakpɛ níhi nɛ e tsu kɛ ha nimli a bimɛ ɔ he je.
9 Ejakaa nihi nɛ kuma ngɛ mɛ yee ɔ,* e ha mɛ nyu,Nɛ nihi nɛ hwɔ ngɛ mɛ* yee ɔ, e ha nɛ a tɔ kɛ ní kpakpahi.
10 A kpɛti ni komɛ ngɛ diblii kpii mi,A wo mɛ tsu nɛ a ngɛ nɔ́ nae ngɛ kɔsɔkɔsɔhi a mi.
11 Ejakaa a tsɔ atuã kɛ si Mawu munyu ɔ;A bui Nɔ Nɛ E Nɔ Kuɔ Pe Kulaa a ga womi ɔ fɛɛ.
12 Enɛ ɔ he ɔ, e ha nɛ a gblee haomi mi, nɛ e kɛ ha nɛ a ba a he* si;A tɛ si, nɛ nɔ ko be nɛ maa ye bua mɛ.
13 A tsɛ Yehowa kaa e ye kɛ bua mɛ ngɛ a haomi ɔ mi;Nɛ e he a yi wami ngɛ a haomi ɔ mi.
14 E je mɛ kɛ je diblii kpii mi,Nɛ e tsɔ a kɔsɔkɔsɔ ɔmɛ.
15 Nihi nɛ́ a na Yehowa si ngɛ e suɔmi nɛ se pui ɔ he je,Ngɛ nyakpɛ níhi nɛ e tsu kɛ ha nimli a bimɛ ɔ he je.
16 Ejakaa e ku akɔblee sinya amɛ,Nɛ e poo agbo se lami dade ɔmɛ.
17 A je kuasia nɛ a na nɔ́,Ngɛ a yayami ɔmɛ kɛ a tɔmi ɔmɛ a he je.
18 Niye ní ko niye ní ko jlo we mɛ;*A su gbenɔ agbo ɔmɛ a nya haa.
19 A tsɛɔ Yehowa kaa e ye bua mɛ ngɛ a haomi ɔ mi;E heɔ a yi wami ngɛ a haomi ɔ mi.
20 Ke e tu munyu ɔ, kɛkɛ a ná tsami,Nɛ e jeɔ mɛ kɛ jeɔ muɔhi nɛ a tlɔ mi ɔmɛ a mi.
21 Nihi nɛ́ a na Yehowa si ngɛ e suɔmi nɛ se pui ɔ he je,Ngɛ nyakpɛ níhi nɛ e tsu kɛ ha nimli a bimɛ ɔ he je.
22 Á sã sina afɔlehi,Nɛ́ a kɛ bua jɔmi nɛ jaje e ní tsumi ɔmɛ.
23 Nihi nɛ a kɛ melehi hiaa blɔ ngɛ wo nɔ,Nihi nɛ a yeɔ jua ngɛ nyu babauu ɔ nɔ ɔ
24 Ji nihi nɛ a na Yehowa ní tsumi ɔmɛ,Kɛ e nyakpɛ ní tsumihi nɛ ngɛ wo ɔ mi ɔ;
25 A na bɔ nɛ ke e fã a, kɔɔhiɔ nɛ nya wa wawɛɛ teɔ si,Nɛ e woɔ wo oslɔke ɔmɛ a nɔ ha a.
26 E woɔ a nɔ kɛ yaa hiɔwe;Nɛ e kpaleɔ mɛ kɛ baa.
A kã nya taa* ngɛ haomi nɛ ma a he je.
27 A dedeɔ kaa dã delɔ,Nɛ ga nɛ a le ɔ tsuo peeɔ yaka.
28 Nɛ a foɔ ya kɛ tsɛɛ Yehowa ngɛ a haomi ɔ mi,Nɛ e kpɔ̃ɔ mɛ ngɛ a haomi ɔ mi.
29 E jɔɔ kɔɔhiɔ nɛ nya wa wawɛɛ ɔ he;Wo oslɔke ɔmɛ peeɔ dii.
30 Ke a pee dii ɔ, ni ɔmɛ nyaa,Nɛ e nyɛɛɔ a hɛ mi kɛ yaa mele si dami he nɛ a suɔ.
31 Nihi nɛ́ a na Yehowa si ngɛ e suɔmi nɛ se pui ɔ he je,Ngɛ nyakpɛ níhi nɛ e tsu kɛ ha nimli a bimɛ ɔ he je.
32 Á wo e nɔ ngɛ nimli asafo ɔ mi,Nɛ́ a je e yi ngɛ nikɔtɔma amɛ a kpe he ɔ.*
33 E haa nɛ pahi plɛɔ peeɔ nga kplanaa,Nɛ nyu hɛngmɛhi plɛɔ peeɔ zugba nɛ gbli kadokado,
34 Zugba nɛ baa ní plɛɔ peeɔ ngo zugba nɛ se nami be he,Ngɛ nihi nɛ a ngɛ nɔ ɔ a yi wu tso ní peepee ɔmɛ a he je.
35 E haa nɛ nga kplanaa plɛɔ peeɔ nyu takuhi kɛ a mi glãhi,Nɛ zugba gbigbli plɛɔ peeɔ nyu hɛngmɛhi.
36 E haa nɛ nihi nɛ hwɔ ngɛ mɛ yee ɔ hiɔ lejɛ ɔ,Konɛ a po ma nɛ a ma nyɛ maa hi mi.
37 A duɔ ní ngɛ ngmɔhi a nɔ, nɛ a peeɔ wai ngmɔhiNɛ woɔ yiblii babauu.
38 E jɔɔ mɛ, nɛ a he hiɛɔ babauu;E ha we nɛ a na amɛ a nɔ nɛ gbɔ.
39 Se a nɔ gbɔɔ ekohu, nɛ a hɛ mi pueɔ siNgɛ yi mi wami, haomi, kɛ aywilɛho yemi he je.
40 E haa nɛ odehehi a hɛ mi pueɔ siNɛ e haa nɛ a ya woɔ lalaalo ngɛ nga kplanaa nɔ he nɛ blɔ ko blɔ ko be.
41 Se e poɔ ohiatsɛmɛ a he piɛ* konɛ a ko wa mɛ yi mi,Nɛ e haa nɛ a wekuhi hiɛɔ babauu kaa tohi.
42 Dali naa enɛ ɔ nɛ a nyaa;Se nihi tsuo nɛ a peeɔ nɔ́ nɛ dɛ ɔ lɛɛ a maa a nya.
43 Nɔ fɛɛ nɔ nɛ ngɛ juɛmi ɔ maa na ní nɛ ɔmɛ,Nɛ e ma susu níhi nɛ Yehowa ngɔ e suɔmi nɛ se pui ɔ kɛ pee ɔmɛ a he saminya.
Sisi Ningmahi
^ Aloo “kɛ je he nyɛlɔ ɔ he wami sisi.”
^ Aloo “a klaa.”
^ Aloo “nihi nɛ a klaa gbli kadokado ɔ.
^ Aloo “a klaa.”
^ Ngɛ Hebri gbi mi ɔ, “ba a tsui.”
^ Aloo “A klaa hiɔ niye ní tsuo.”
^ Ngɛ Hebri gbi mi ɔ, “A klaa sile.”
^ Ngɛ Hebri gbi mi ɔ, “ngɛ nikɔtɔma amɛ a sɛ ɔ nɔ.”
^ Aloo “e woɔ a nɔ,” nɛ tsɔɔ kaa e ha we nɛ nihi nɛ su a he.
