La 116:1-19
116 I suɔ YehowaEjakaa e nuɔ ye gbi,* e nuɔ pɛɛ nɛ i kpaa lɛ kɛ biɔ yemi kɛ buami ɔ.
2 Ejakaa e tãã tue kɛ haa mi,*Nɛ ma tsɛ lɛ be abɔ nɛ i ngɛ wami mi ɔ.*
3 Gbenɔ kpã amɛ bɔle mi kɛ kpe;Yɔkɔ nu mi.*
Haomi kɛ aywilɛho ye ye nɔ.
4 Se i tsɛ Yehowa biɛ ɔ:
“Ao Yehowa, mo kpɔ̃ mi!”*
5 Yehowa mi mi sãã lɛ ngɛ nɔ he* nɛ dalɔ ji lɛ;Wa Mawu ɔ naa nɔ mɔbɔ.
6 Yehowa buɔ nihi nɛ a be níhi a si kpami ɔ a he.
A ba mi si, nɛ e he ye yi wami.
7 Ye klaa* nɛ jɔɔ e he ekohu,Ejakaa Yehowa kɛ mi hi si saminya.
8 O kpɔ̃ mi* kɛ je gbenɔ mi,Vonyu ji ye hɛngmɛ mi hu, nɛ ye nane tɛ we nɔ́ hu.
9 Ma nyɛɛ ngɛ Yehowa hɛ mi ngɛ hɛ kali a zugba a nɔ.
10 I ngɛ hemi kɛ yemi, lɔ ɔ he ɔ, i tu munyu;I na nɔ́ wawɛɛ.
11 Imi lɛɛ, ye tsui po nɛ i de ke:
“Adesa fɛɛ adesa ji lakpatsɛ.”
12 Mɛni ma kɛ to Yehowa nane mi,Ngɛ ni kpakpahi tsuo nɛ e pee ha mi ɔ he je?
13 Ma wo yi wami hemi kplu ɔ nɔ,*Nɛ ma tsɛ Yehowa biɛ ɔ.
14 Ma ye kitahi nɛ i kã Yehowa a nɔNgɛ e we bi ɔmɛ tsuo a hɛ mi.
15 Nihi nɛ a yeɔ Yehowa anɔkuale ɔ,A gbenɔ dɔɔ* lɛ wawɛɛ.
16 Oo Yehowa, i kpa mo pɛɛ,Ejakaa o sɔmɔlɔ ji mi.
O sɔmɔlɔ ji mi, o mawayo ɔ binyumu ji mi.
O je mi kɛ je kpahi nɛ bɔle mi ɔ mi.
17 Ma sã sina afɔle ha mo;Ma tsɛ Yehowa biɛ ɔ.
18 Ma ye kitahi nɛ i kã Yehowa a nɔNgɛ e we bi ɔmɛ tsuo a hɛ mi,
19 Ngɛ Yehowa we ɔ yale ɔmɛ a mi,Oo Yerusalem, ngɛ o mi.
Nyɛ je Yah yi!*
Sisi Ningmahi
^ Baiblo komɛ de ke “I ngɛ suɔmi, ejakaa Yehowa buɔ ye gbi tue.”
^ Aloo “e baa si nɛ e buɔ mi tue.”
^ Ngɛ Hebri gbi mi ɔ, “Nɛ ma tsɛ lɛ ngɛ ye ligbi ɔmɛ a mi.”
^ Ngɛ Hebri gbi mi ɔ, “Sheol haomi ɔmɛ nu mi.”
^ Aloo “mo kpɔ̃ ye klaa.”
^ Aloo “Yehowa dlooɔ nɔ.”
^ Aloo “ye klaa.”
^ Aloo “yi wami hemi ngua a nɔ.”
^ Aloo “haoɔ.”
^ Aloo “Haleluyah!” “Yah” ji biɛ Yehowa a kpiti pomi.
