La 12:1-8
-
Yehowa te si konɛ e tsu sane ɔ he ní
-
Mawu munyu ɔmɛ a he tsɔ (6)
-
Kɛ ha la nɔ hyɛlɔ ɔ; a kɛ fɔ Sheminit.* La nɛ David po.
12 Oo Yehowa, mo he ye yi wami, ejakaa nɔ nɛ yeɔ anɔkuale be hu;Anɔkualetsɛmɛ ta adesahi a kpɛti.
2 Nihi yeɔ a sibi lakpa;A kɛ a nya gbeɔ nihi a yi mi,* nɛ a kɛ nɔ sisimi tsui tuɔ munyu.
3 Yehowa ma ma nyahi tsuo nɛ gbeɔ nɔ yi mi ɔNɛ e maa po lilɛ nɛ tuɔ fĩami munyuhi kɛ fɔ he,
4 Nihi nɛ a deɔ ke: “Waa kɛ wa lilɛhi maa ye kunimi.
Waa kɛ wa nya deɔ nɔ́ nɛ wa suɔ;Mɛnɔ ma nyɛ maa pee wa nyɔmtsɛ?”
5 Yehowa ke: “Akɛnɛ a waa nihi nɛ a hao ɔ yi mi,Nɛ́ ohiatsɛmɛ ngɛ huu pee ɔ he je ɔ,Ma te si nɛ ma pee sane ɔ he nɔ́ ko.”
“Ma he a yi wami kɛ je nihi nɛ bui mɛ* ɔ a dɛ mi.”
6 Yehowa munyu ɔmɛ a he tsɔ;A ngɛ kaa sika hiɔ nɛ a tsu he si kpaago ngɛ zu flɔɔnɔɔ* mi.
7 Yehowa ye Mawu, o maa bu a he;O maa po a ti nɔ fɛɛ nɔ he piɛ kɛ je yi nɔ bi nɛ ɔmɛ a he kɛ ya neneene.
8 Yiwutsotsɛmɛ yaa nɛ a baa nɛ nɔ́ ko tsi we a nya,Ejakaa nimli a bimɛ woɔ ní yayami peemi mi he wami.
Sisi Ningmahi
^ Ngɛ Hebri gbi mi ɔ, “A nya mi ngɔɔ.”
^ Aloo “nihi nɛ a peeɔ pupuupu ngɛ a nɔ.”
^ Baiblo komɛ de ke “ngɛ dade silemi flɔɔnɔɔ nɛ a pee ngɛ zugba.”
