La 126:1-6
Yoku Kuɔmi La.
126 Benɛ Yehowa bua Zionbi nɛ a nuu mɛ nyɔguɛ ɔ a nya kɛ ba ekohu ɔ,E pee wɔ kaa nɔ́ nɛ wa ngɛ nlae.
2 Jamɛ a be ɔ mi ɔ, muɔ sɔuu ji wa nya he,Nɛ wa he ose kɛ bua jɔmi.
Jamɛ a be ɔ mi ɔ, a de ngɛ je ma amɛ a kpɛti ke:
“Yehowa pee ní nguanguahi ha mɛ.”
3 Yehowa pee ní nguanguahi ha wɔ,Nɛ wa bua jɔ kɛ be nɔ.
4 Oo Yehowa, mo bua wa we bi nɛ a nuu mɛ nyɔguɛ ɔ a nya kɛ ba ekohu,*Kaa bɔ nɛ hiɔmi nɛɔ nɛ nyu baa pahi a mi ngɛ Negeb* ɔ.
5 Nihi nɛ a kɛ vonyu duɔ ní ɔMa kpa ní kɛ bua jɔmi.
6 Nɔ nɛ jeɔ kpo kɛ e yi kotoku kɛ e mi wu nɛ a duɔ ɔ,Ke e ngɛ ya foe po,Bɔ fɛɛ bɔ nɛ ji ɔ, e maa kpale kɛ ba kɛ bua jɔmiKɛ e yi ngma nɛ a fi yi tlomi nya yi tlomi nya.
Sisi Ningmahi
^ Aloo “moo kpale wa we bi nɛ a nuu mɛ nyɔguɛ ɔ kɛ ba ekohu.”
^ Aloo “nɛ nyu baa dɔhi a mi ngɛ woyi je ɔ.”
