La 138:1-8
David la.
138 Ma je o yi kɛ ye tsui tsuo.
Ngɛ mawu kpahi a hɛ mi ɔ,Ma la yi jemi lahi ha mo.*
2 Ma kplã si nɛ ma ngɔ ye hɛ mi kɛ tsɔɔ o sɔlemi we klɔuklɔu ɔ,*Nɛ ma je o biɛ ɔ yiNgɛ o suɔmi nɛ se pui kɛ o we anɔkuale yemi ɔ he je.
Ejakaa o wo o munyu ɔ kɛ o biɛ ɔ nɔ gojoo pe nɔ́ fɛɛ nɔ́.*
3 Ligbi nɛ i tsɛ mo ɔ, o he mi nɔ;O ha nɛ ye he wa, nɛ i ná kã.*
4 Oo Yehowa, zugba a nɔ matsɛmɛ ɔmɛ tsuo ma je o yi,Ejakaa a maa nu sihi nɛ o wo ɔ.
5 A ma la kɛ kɔ níhi nɛ Yehowa pee ɔmɛ a he,Ejakaa Yehowa hɛ mi nyami ɔ kle.
6 E ngɛ mi kaa Yehowa nɔ kuɔ mohu lɛɛ, se e toɔ he si bali a he hɛ,Se he nɔ woli lɛɛ, e naa mɛ ngɛ tsitsaa lokoo.
7 Ke i ngɛ nyɛɛe ngɛ he nɛ haomi ngɛ po, o maa baa ye yi.
O kɛ o he wami kpetekplenyɛ ɔ teɔ si kɛ siɔ ye he nyɛli nɛ a mi mi fu ɔ;O hiɔ nine ɔ ma he ye yi wami.
8 Yehowa ma tsu níhi tsuo a he ní ha mi.
Oo Yehowa, o suɔmi nɛ se pui ɔ ngɛ kɛ yaa neneene;Ko kua o nine nya ní tsumi ɔmɛ.
Sisi Ningmahi
^ Baiblo komɛ de ke “Ma fia la ha mo kɛ tsɔ mawu kpa amɛ a hɛ mi atuã.”
^ Aloo “o jami he ɔ.”
^ Baiblo komɛ de ke “o wo o munyu ɔ nɔ gojoo pe o biɛ ɔ tsuo.”
^ Aloo “nɛ ye klaa ná kã.”
