La 141:1-10
La nɛ David po.
141 Oo Yehowa, i ngɛ mo tsɛe.
Mo ba ye bua mi esɔ.
Ke i tsɛ mo ɔ, moo bu mi tue.
2 Ye sɔlemi nɛ pee kaa tsopa kɛ e he via nɛ a futu lɛ saminya nɛ a kɛ ba o hɛ mi,Ye ninehi nɛ i wo nɔ ɔ nɛ pee kaa gbɔkuɛ ngma afɔle.
3 Oo Yehowa, mo ha nɛ ma bu ye nya he;Moo ye bua mi nɛ ma hyɛ ye nya nɔ saminya.
4 Ko ha nɛ ye tsui nɛ dɔ kɛ ya nɔ́ yayami ko he,Nɛ́ e ya piɛɛ yayami peeli a he kɛ pee ní yayamihi;Ko ha nɛ ma ye a niye ní ngɔngɔɛ ɔmɛ eko gblegbleegble.
5 Ke dalɔ fia mi nɔ́ ɔ, e tsɔɔ kaa e ngɛ suɔmi nɛ se pui kpo jee kɛ ngɛ mi tsɔɔe;Ke e kã ye hɛ mi ɔ, e maa pee kaa nu ngɛ ye yi mi,Nɛ i be kuae gblegbleegble.
Ngɛ a nɔ́ nami ɔmɛ a mi po ɔ, ma ya nɔ ma sɔle.
6 E ngɛ mi kaa a sakeɔ a kojoli ɔmɛ kɛ jeɔ tɛsa yi mi kɛ fiaa si mohu lɛɛ,Se ni ɔmɛ maa bu ye munyu ɔmɛ tue, ejakaa a ngɔɔ.
7 Kaa bɔ nɛ nɔ ko ngɔɔ na kpakplaa kɛ gbɛɔ zu mi ɔ,Jã kɛ̃ nɛ a gbɛ wa wuhi kɛ fĩa ngɛ Yɔkɔ* mi.
8 Oo Nyɔmtsɛ Matsɛ Yehowa, i ngɔ ye hɛ kɛ fɔ o nɔ.
O ngɔ lɛ i sa we ngɛ.
Koo ngɔ ye wami* ngɛ ye dɛ.
9 Moo po ye he piɛ ngɛ klama nɛ a tsɔ̃ mi ɔ he,Kɛ je yayami peeli a klama amɛ a he.
10 Yiwutsotsɛmɛ tsuo maa nɔ mɛ nitsɛmɛ a ya amɛ a mi,Se imi lɛɛ ma be slɔkee.
